فوتو: gov.kz
يۆان پوۆوروزنيۋك 1921 جىلى قوستاناي وبلىسى ۆۆەدەنسكي اۋدانى الەشينكا اۋىلىندا دۇنيەگە كەلگەن. ول 1941 جىلى ساۋىردە اسكەرگە شاقىرىلىپ, 1942 جىلدىڭ ناۋرىزىنان بەرى حابارسىز كەتتى. تەك بىرنەشە ونجىلدىقتاردان كەيىن عانا نورۆەگيالىق زەرتتەۋشىلەر مەن قازاقستاننىڭ نورۆەگياداعى ەلشىلىگىنىڭ كۇش-جىگەرىنىڭ ارقاسىندا ونىڭ تاعدىرى مەن قازا تاپقان جەرى انىقتالعان.
مەموريال جەرگىلىكتى تۇرعىن پەر-كورە حولدال باسقارعان توپتىڭ باستاماسىمەن جانە قازاقستاننىڭ نورۆەگياداعى ەلشىلىگىنىڭ بەلسەندى قاتىسۋىمەن سالىندى.
مەموريالدىڭ اشىلۋ سالتاناتىنا جەرگىلىكتى بيلىك باسشىلىعى, قوعام وكىلدەرى, قازاقستاننىڭ نورۆەگياداعى ەلشىسى ءادىل تۇرسىنوۆ, سونداي-اق قازا تاپقان قازاقستاندىق جاۋىنگەردىڭ تۋىسى – لاريسا كۋشناريوۆا قاتىستى.
بۇل وقيعا ەكى ەل حالىقتارىنىڭ اراسىنداعى دوستىقتىڭ تاعى ءبىر دالەلى بولدى.
ايتا كەتەيىك, ەكىنشى دۇنيەجۇزىلىك سوعىس كەزىندە وككۋپاتسيالانعان نورۆەگياداعى كونتسلاگەرلەردە 15 مىڭنان استام كەڭەستىك اسكەري تۇتقىندار قازا تاپتى. سوڭعى جىلدارى قازاقستان ەلشىلىگى 1941-1945 جىلدارى نورۆەگيادا جەرلەنگەن 74 قازاقستاندىق جاۋىنگەردىڭ ەسىمىن انىقتادى.
