الماتى اكىمى ارداگەرلەردىڭ تۋىستارىمەن بىرگە بيىكتىگى 6 مەتر بولاتىن جوكە اعاشىن ەكتى. ار اعاشتىڭ جانىنا ارداگەردىڭ اتى جازىلعان ارنايى تاقتايشا ورناتىلدى. جوكە –ومىرشەڭدىكتىڭ, جاد پەن رۋحتىڭ بەلگىسى.
سول سەبەپتى ونى سوعىس ارداگەرلەرىنىڭ قۇرمەتىنە ءجيى وتىرعىزادى. بۇل كەلەشەككە بەيبىت ءومىر سىيلاعان جانداردىڭ قۇرمەتىنە قويىلعان ءتىرى ەسكەرتكىش. اعاش وتىرعىزۋ كەزىندە زاماناۋي ادىستەرمەن تەحنولوگيالار قولدانىلدى: اعاشتى تىك ۇستاۋعا ارنالعان قايىڭ تىرەكتەر, سونداي-اق, تامىر ارقىلى سۋارۋ جۇيەسى ورناتىلدى.
«مەملەكەت باسشىسى اسكەري شەرۋدەگى سوزىندە: « ۇلى جەڭىس – تاريحىمىزدىڭ اجىراماس بولىگى جانە كۇللى الەم ءۇشىن ۇلكەن ساباق. ءبىز وسى اقيقاتتى ءاردايىم ەستە ساقتاۋىمىز كەرەك», دەپ اتاپ ءوتتى.ء بىز بەيبىت ءومىر سىيلاعان جانداردى ەشقاشان ۇمىتپاۋىمىز قاجەت. جەڭىستىڭ 80 جىلدىعىنا وراي الماتىدا بۇل مەرەيتوي ەرەكشە فورماتتا اتاپ وتىلۋدە: قالانىڭ بارلىق اۋدانىندا ءبىر مەزەتتە ارداگەرلەر اللەياسى اشىلدى. بۇل جەرلەردى ءار اۋدان تۇرعىنى ءبىلىپ, بارىپ, باتىرلارىمىزدىڭ رۋحىنا تاعزىم ەتكەنىن قالايمىن. الماتىدا بۇگىندە 21 سوعىس ارداگەرى تۇرادى – بۇل رەسپۋبليكا بويىنشا ەڭ ۇلكەن كورسەتكىش. ءبىز سوڭعى ەكى جىلدا ومىردەن وزعان ارداگەرلەردى دە قۇرمەتپەن ەسكە الامىز. بۇگىن بارلىعى 29 اعاش ەگىلدى. بۇل اللەيالار بولاشاق ۇرپاق – بالالار, نەمەرە-شوبەرەلەر ءۇشىن باتىرلىقتى ەسكە سالىپ تۇراتىن ءتىرى ەسكەرتكىشكە اينالادى», دەدى ەربولات دوساەۆ.
ارداگەرلەردىڭ ۇرپاقتارى اللەيا اشىپ, ۇلى وتان سوعىسى ارداگەرلەرىنىڭ ەسىمىن ەستە ساقتاۋعا جاعداي جاساعانى ءۇشىن قالا باسشىسىنا العىس ءبىلدىردى.
«سوعىس ارداگەرلەرىنىڭ بارلىق ۇرپاعى اتىنان اتالارىمىزدىڭ, اكەلەرىمىزدىڭ, انالارىمىز بەن اجەلەرىمىزدىڭ جارقىن بەينەسىن ەسكە الىپ, قۇرمەت كورسەتكەندەرىڭىز ءۇشىن العىس ايتامىن. جوكە – ەرەكشە ا
عاش. ول رۋحتىڭ مىقتىلىعىن, توزىمدىلىك پەن ادالدىقتى بىلدىرەدى. بۇل كونە ءارى اسىل سيمۆول بىزگە بولاشاق ۇرپاق ءۇشىن ءومىرىن سارپ ەتكەن جانداردى ءاردايىم ەسكە سالىپ تۇرادى. حوش ءيىستى گ ۇلى مەن ۇزاق جاسايتىن قاسيەتى بار جوكە – باتىرلارىمىزدىڭ جۇرەكتە ساقتالاتىن ەرلىگى سەكىلدى, ماڭگىلىك ءتىرى ەستەلىككە اينالادى», دەدى ۇوس ارداگەرى ولگا ساۆەنكونىڭ نەمەرەسى يۋليا زاۆادسكايا.
سوعىس ارداگەرى ۆاسيلي زينچەنكونىڭ قىزى ليۋدميلا زينچەنكو دا شىن جۇرەكتەن ريزاشىلىعىن ءبىلدىردى.
«وسىنداي اۋقىمدى ىس-شاراعا قاتىسىپ وتىرعانىمىزعا قۋانىشتىمىز. بۇگىن كۇن كەرەمەت, كوڭىل-كۇيىمىز دە سونداي جاقسى. مۇنداي ماڭىزدى وقيعانى ۇيىمداستىرعاندارىڭىز ءۇشىن بارلىق ارداگەردىڭ وتباسىلارى اتىنان العىس ايتقىمىز كەلەدى. بۇل اعاشتار حالقىمىزدىڭ باتىرلارىن ۇمىتپاۋعا مۇمكىندىك بەرەدى. ءبىز بۇل جەرگە بالالارىمىزدى ەرتىپ كەلىپ, وتىرعىزىلعان اعاشتارمەن تانىستىرىپ, اتالارىنىڭ ەرلىگى تۋرالى ايتىپ وتىرامىز», دەدى ول.
100 جاستاعى ۇوس ارداگەرى قامبار سارسەنوۆ پەن سوعىس ارداگەرى داربالا جاباتاەۆانىڭ قىزى ساۋلە قولىمباەۆا دا العىستارىن ءبىلدىرىپ, بۇل ءتىرى ەسكەرتكىشتەر بابالار ەرلىگىن ۇرپاقتار جادىندا ساقتاۋىنا سەپ بولاتىنىن ايتتى.
وسى كۇنى 28 گۆاردياشى-پانفيلوۆشىلار ساياباعىندا بيىكتىگى 6 مەترلىك 29 اتاۋلى جوكە اعاشى وتىرعىزىلدى. جالپى, ۇوس ارداگە
