باتىس قازاقستان وبلىسىندا مۇگەدەكتەر سپورتىنىڭ دامۋىنا ەلەۋلى ۇلەس قوسقان ارداگەر پاراسپورتشى, قۇبايدوللا حاسانوۆ جەڭىستىڭ 80 جىلدىعىنا وراي 80 شاقىرىم قاشىقتىقتى جاياۋ ءجۇرىپ ءوتتى. 79 جاستاعى سپورتشى مارافوننىڭ سوڭعى بولىگىندە كۇن سايىن 10 شاقىرىمنان جۇرۋىنە تۋرا كەلگەن.
«قۇبايدوللا حامزا ۇلىنىڭ ءىىى توپ مۇگەدەگى, اياعىنان العان جاراقاتى بار ەكەنىن ەسكەرسەك, بۇل — شىنايى ەرلىك پەن رۋحتىڭ ايقىن كورىنىسى بولدى» دەيدى بقو دەنە شىنىقتىرۋ جانە سپورت باسقارماسىنىڭ باسشىسى باقداۋلەت ءسابيتوۆ.
8 مامىر كۇنى باقداۋلەت ءسابيتوۆ ارداگەر سپورتشىنى ارنايى قابىلداپ, العىس حات تابىستادى. بۇل باستاما جاستارعا ۇلگى, ەل سپورتىنا قوسقان ولشەۋسىز ەڭبەك ەكەنىن اتاپ ءوتتى.
قۇبايدوللا حامزا ۇلى — پارا پاۋەرليفتينگتەن 2 دۇركىن ازيا چەمپيونى. ول 2004 جىلى — ءۇندىستاندا, 2006 جىلى — فيليپپيندە جەڭىس تۇعىرىنا كوتەرىلگەن بولاتىن. سونداي-اق وڭىردەگى پاراسپورت قوزعالىسىنىڭ دامۋىنا بەلسەندى تۇردە ۇلەس قوسىپ كەلە جاتقان اعامىز ءوزىنىڭ سانالى عۇمىرىن ەل سپورتى مەن سالاۋاتتى ءومىر سالتىن ناسيحاتتاۋعا ارناعان.
