مەملەكەتتىك تاپسىرىستاردى ورنالاستىرۋ كەزىندە قازاقستاندىق كومپانيالارعا باسىمدىق بەرىلۋى ىشكى ءوندىرىس كولەمىن ارتتىرۋعا, يمپورتقا تاۋەلدىلىكتى ازايتۋعا جانە وندىرىستىك قۋاتتاردى جاڭعىرتۋعا مۇمكىندىك بەردى.
ونەركاسىپ سالاسىندا ىسكە اسىرىلعان زاڭنامالىق باستامالاردان باسقا, حيميا سالاسىنا وڭ اسەر ەتكەن بىرقاتار ناقتى نورمالار قابىلدانعان.
مەملەكەتتىك ساتىپ الۋ كەزىندە ۇلتتىق رەجيمنەن الۋ ناتيجەسىندە وتكەن جىلى لاك بوياۋ ماتەريالدارى, تۇرمىستىق حيميا جانە جاعار مايلار ءوندىرىسىنىڭ كولەمى 30%-عا ءوستى.
سونىمەن بىرگە سۋبسيديالانعان تىڭايتقىشتاردى ەلدەن زاڭسىز شىعارىلۋىن توقتاتۋ ءۇشىن امموفوس, سەليترا سياقتى ماڭىزدى تىڭايتقىشتاردىڭ (قازازوت, قازفوسفات) ەكسپورتى ليتسەنزيا بەرۋ ارقىلى رەتتەلدى. بۇل شارا باعانى تۇراقتاندىرۋعا جانە جەرگىلىكتى فەرمەرلەرگە تىڭايتقىش جەتكىزۋدى ارتتىرۋعا ىقپال ەتتى.
العاشقى توقسان قورىتىندىسى بويىنشا ءونىم كولەمى 12,5% پايىزعا ءوسىپ, 406 ميلليارد تەڭگەنى قۇرادى. ءوسىم پوليپروپيلەن جانە ۋران قوسىلىستارى ءوندىرىسىنىڭ ۇلعايۋىمەن بايلانىستى.
بۇگىندە حيميا سالاسىندا 49 جوبا ىسكە اسىرىلۋدا. ولاردىڭ نەگىزگىلەرى مۇناي جانە مەتاللۋرگيا سالاسىنا قاجەت حيميالىق ونىمدەردى شىعارۋعا باعىتتالعان.
