سۋرەت: azattyq-ruhy.kz
ەرلان قوشانوۆ ۆەتنام سوتسياليستىك رەسپۋبليكاسىنىڭ كوممۋنيستىك پارتياسى ورتالىق كوميتەتىنىڭ باس حاتشىسىمەن اڭگىمەلەسۋ بارىسىندا ۆەتنام وڭتۇستىك-شىعىس ازياداعى قازاقستاننىڭ ماڭىزدى ارىپتەسى ەكەنىن اتاپ ءوتتى.
– قازاقستان پرەزيدەنتى قاسىم-جومارت توقاەۆتىڭ 2023 جىلعى تامىزدا ۆەتنامعا جاساعان رەسمي ساپارى ەكى ەل اراسىنداعى ىنتىماقتاستىققا ەرەكشە سەرپىن بەردى. ءسىزدىڭ قازاقستانعا جاساعان قارىمتا مەملەكەتتىك ساپارىڭىز ەكىجاقتى قارىم-قاتىناسىمىزدىڭ تاريحىنداعى جاڭا كەزەڭنىڭ باستاۋىنا – ستراتەگيالىق ارىپتەستىكتىڭ ماڭىزدى بەلەسىنە اينالۋدا. قاسىم-جومارت توقاەۆپەن كەلەلى كەلىسسوز وتكىزدىڭىزدەر. ۇكىمەتارالىق ماڭىزدى قۇجاتتارعا قول قويىلدى. بۇل ءوزارا ىقپالداستىقتىڭ رۋحى مەن مازمۇنىنا تولىق ساي كەلەدى, – دەدى ءماجىلىس توراعاسى.
سپيكەر تو لامدى قازاقستان پرەزيدەنتىنىڭ قولىنان العان جوعارى ماراپات – ءى دارەجەلى «دوستىق» وردەنىمەن قۇتتىقتادى.
ەرلان قوشانوۆ ءمəجىلىستىڭ ۆەتنام ۇلتتىق جينالىسىمەن ىنتىماقتاستىقتى ودان ءəرى تەرەڭدەتۋگە جانە كەڭەيتۋگە قىزىعۋشىلىق تانىتىپ, ۆەتنام مەن قازاقستان دەپۋتاتتارى اراسىندا بەيىندى كوميتەتتەر مەن دوستىق توپتارى دەڭگەيىندە تۇراقتى كەزدەسۋلەر وتكىزۋدىڭ, ءوزارا ساپار الماسۋدىڭ وڭ تاجىريبەسى قالىپتاسقانىن اتاپ ءوتتى.
مارتەبەلى مەيمانعا مەملەكەت باسشىسى رەفورمالارىنىڭ جۇزەگە اسىرىلۋ بارىسى مەن كوپپارتيالى پارلامەنتتىڭ زاڭ شىعارۋ جۇمىسى جايلى مالىمەت بەرىلدى.
ءوز كەزەگىندە ۆەتنام كوممۋنيستىك پارتياسىنىڭ باس حاتشىسى ەكى ەل اراسىنداعى جان-جاقتى بايلانىستاردى نىعايتۋ, سونىڭ ىشىندە پارلامەنتتىك ديپلوماتيا, ساۋدا-ەكونوميكا جانە مادەني-گۋمانيتارلىق سالادا, سونداي-اق پارتيا باعىتى بويىنشا دا دامىتۋ قاجەتتىگىنە نازار اۋداردى.
كەزدەسۋ بارىسىندا تاراپتار «اmاnاt» پارتياسى مەن ۆەتنام كوممۋنيستىك پارتياسى اراسىندا بەرىك ارىپتەستىك بايلانىس ورناعانىن اتاپ ءوتىپ, ەكى ساياسي ۇيىمنىڭ ىنتىماقتاستىعىن ودان ءارى كەڭەيتۋ ماسەلەسىنە ەرەكشە ءمان بەردى. بۇل رەتتە قوس پارتيانى بىرىكتىرەتىن ورتاق ماقساتتار بار. ول – مەملەكەتتىلىكتى نىعايتۋ, دەموكراتيا, الەۋمەتتىك ارىپتەستىك پەن كەلىسىم قاعيداتتارىنا نەگىزدەلگەن ەركىن ءارى اشىق قوعام قۇرۋ.
تاراپتار ەكى ەل اراسىنداعى پارلامەنتارالىق ىنتىماقتاستىقتى تەرەڭدەتۋ, زاڭ شىعارۋ باعىتىندا تاجىريبە الماسۋ, سونداي-اق تۋريزم, كولىك, ساۋدا, اۋىل شارۋاشىلىعى, ءوندىرىس جانە باسقا دا سالالار بويىنشا ەكىجاقتى قاتىناستاردى دامىتۋعا زاڭنامالىق قولداۋ كورسەتۋ جونىندە كەلىستى.
