فوتو: depositphotos.com
بۇعان دەيىن قالپىنا كەلۋ ءراسىمى كۇردەلى بولاتىن. ۇمىتكەرلەردەن وقۋ ورنىنا بارىپ, جەكە كۋالىك, ترانسكريپت, قىزمەت ورنىنان مىنەزدەمە, فوتوسۋرەت, اسكەري بيلەت كوشىرمەسى جانە باسقا دا قۇجاتتاردى جيناۋ تالاپ ەتىلەتىن.
ەندى پروتسەسس جەڭىلدەتىلىپ, ونلاين تۇردە ءوتىنىش بەرىپ, قاجەتتى قۇجاتتاردىڭ كوپشىلىگى مەملەكەتتىك دەرەكتەر بازاسىنان اۆتوماتتى تۇردە جۇكتەلەدى. وقۋ ورنىنان شىعارىلعاننان كەيىن ءبىر جىل ىشىندە عانا ءوتىنىش بەرۋگە بولاتىنىن ايتا كەتۋ كەرەك. ەگەر بۇل مەرزىم اياقتالسا, وقۋ ورنىندا قالپىنا كەلتىرۋ مۇمكىن بولمايدى.
كورسەتىلەتىن قىزمەتتى الۋ ءۇشىن:
- eGov.kz پورتالىندا تىركەلىپ, «ازاماتتارعا» - «اسكەري ەسەپكە الۋ جانە قاۋىپسىزدىك» - «اسكەري قىزمەت» بولىمىنە ءوتۋ كەرەك;
- «قازاقستان رەسپۋبليكاسى قورعانىس مينيسترلىگىنىڭ اسكەري وقۋ ورىندارىنا قالپىنا كەلتىرۋ» كورسەتىلەتىن قىزمەتىن تاڭداپ, «قىزمەتكە ونلاين تاپسىرىس بەرۋ» تۇيمەسىن باسۋى ءتيىس;
- وقۋ ورنىن تاڭداپ, وقۋدان شىعارىلعاننان بەرى قانشا ۋاقىت وتكەنىن كورسەتىپ, جەكە دەرەكتەرىن پايدالانۋعا كەلىسىم بەرۋى ءتيىس;
- تۇراتىن مەكەنجايىن كورسەتىپ, قۇجاتتاردى قوسۋى ءتيىس;
- قولجەتىمدى قول قويۋ ادىستەرىنىڭ بىرىمەن وتىنىشكە قول قويۋعا ءتيىس;
- قىزمەتتىڭ ناتيجەسى پايدالانۋشىنىڭ جەكە كابينەتىندە «قىزمەتتەردى الۋ تاريحى» بولىمىندە قولجەتىمدى بولادى.
ءوتىنىمدى قاراۋ مەرزىمى 20 جۇمىس كۇندى قۇرايدى. ەگەر وڭ شەشىم قابىلدانسا, ناتيجە پايدالانۋشىنىڭ جەكە كابينەتىنە ەلەكتروندىق فورماتتا جىبەرىلەدى. ەگەر قالپىنا كەلتىرۋ مۇمكىن بولماسا, ستۋدەنت تە دالەلدى باس تارتۋ حاتىن الادى.
ايتا كەتەيىك, جاڭا كورسەتىلەتىن قىزمەت قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتىنىڭ, ۇلتتىق اقپاراتتىق تەحنولوگيالار اق جانە قر قورعانىس مينيسترلىگىنىڭ ىنتىماقتاستىعىمەن ىسكە قوسىلدى.
