فوتو: استانا قالاسى اكىمدىگى
وسى باعىتتاعى جۇمىسقا 100-گە جۋىق ادام, ارنايى كولىك, تەرموگەنەراتورلار جۇمىلدىرىلادى.
اي سايىن ساياباقتار, گۇلزارلار, كوشەلەر, تۇرعىن الاپتار, وزەندەر مەن كانالداردىڭ جاعالاۋى, سونداي-اق 120-دان استام تۇراقتى جانە 100-دەن استام ۋاقىتشا سۋ ايدىندارى وڭدەلەدى.
23 ساۋىردەن باستاپ ءبىرىنشى تۋر بويىنشا وڭدەۋ باستالعان. بۇل جۇمىس بارىسىندا كىشى تالدىكول, تاياز سۋ ايدىندارى مەن باتپاقتى ۋچاسكەلەر, سونداي-اق اينالما جول بويىنداعى جانە ت.ب. ورىنداردى قوسا العاندا 500 گەكتار اۋماق وڭدەلگەن.
28 ساۋىردە تۇران-سىعاناق-تۇركىستان-دوستىق-تۇران اۋماعىن, تاشەنوۆ كوشەسى بويىمەن اقبۇلاققا قاراي اممان كوشەسىنە دەيىنگى باعىتتى ەسەپكە العاندا, ساياباقتار, قالا ورتالىعىنىڭ اشىق ستانتسيالارىن وڭدەۋ باستالعان.
«دەرناسىل ساتىسىندا سۋ قويمالارىنداعى فاۋنا مەن فلوراعا زيان كەلتىرمەيتىن بيولوگيالىق پرەپاراتتار قولدانىلادى. جەكە سەكتور (تۇرعىن الاپتار) جانە اشىق اۋماقتار (ساياباق, وزەندەر, سۋ ايدىندارى, كانالدار, زيراتتار) وڭدەۋ ايماعى بولىپ ەسەپتەلەدى.
جەكە سەكتور تۇرعىندارىنا ارنايى ۋلاندىرۋ دارىلەرى تەگىن تاراتىلادى, سونداي-اق قاۋىپسىزدىك نۇسقاماسى بەرىلەدى», دەلىنگەن اكىمدىك حابارلاماسىندا.
ماماندار 14-30 ءساۋىر ارالىعىندا 30 مىڭعا جۋىق ءۇيدى ارالاپ شىققان.
1 مامىردان 1 ماۋسىمعا دەيىن 3 264 گەكتار اۋماقتاعى ساياباقتاردى, وزەن ماڭىن, سۋ ايدىندارىن, كانالدار مەن زيراتتاردى قوسا العاندا, اشىق ستاتسيالاردى وڭدەۋ جوسپارلانىپ وتىر.
