«ديپلوممەن اۋىلعا» مەملەكەتتىك جوباسى 15 جىلدان بەرى جۇزەگە اسىرىلىپ كەلەدى. باعدارلاما نەگىزىنەن اۋىلداعى كادر تاپشىلىعى شەشۋگە باعىتتالعان. بۇل جوبا ارقىلى دەنساۋلىق ساقتاۋ, ءبىلىم بەرۋ, الەۋمەتتىك قورعاۋ, مادەنيەت, سپورت, اگروونەركاسىپتىك كەشەن سالاسىنا, سونداي-اق جەرگىلىكتى جەرلەردەگى مەملەكەتتىك باسقارۋ ورگاندارىنا جاس مامانداردى تارتۋ كوزدەلگەن.
جوباعا قاتىسۋشىلارعا 100 اەك مولشەرىندە بىرجولعى كوتەرمە جاردەماقى بەرىلەدى. تۇرعىن ءۇي ساتىپ الۋعا نەمەسە سالۋعا اۋدان ورتالىعىندا 2 500 اەك, اۋىلدىق ەلدى مەكەندە 2 000 اەك بيۋدجەتتىك كرەديت بولىنەدى. كرەديت 15 جىلعا بەرىلەدى. مىندەتتى شارت - اۋىلدىق جەردە كەمىندە ءۇش جىل جۇمىس ىستەۋى قاجەت.
2023 جىلعى 1 ساۋىردەن بەرى جوبانى ىسكە اسىرۋ جونىندەگى اگەنت «وتباسى بانك» اق. تسيفرلاندىرۋ ماقساتىندا ءوتىنىم بەرۋ مەن كرەديت الۋدىڭ بارلىق پروتسەسى Baspana Market — otbasybank.kz/programm-bank پلاتفورماسىندا تولىقتاي اۆتوماتتاندىرىلعان.
جوبا ىسكە اسىرىلعان 2009-2024 جىلدارى 114 مىڭنان استام مامان 23,6 ملرد تەڭگەگە كوتەرمە جاردەماقى العان. 52 مىڭنان استام مامان 189,5 ملرد تەڭگە سوماسىنا بيۋدجەتتىك كرەديتتى پايدالاندى.
بىرجولعى كوتەرمە جاردەماقى الۋشىلاردىڭ قۇرىلىمى:
- ءبىلىم بەرۋ سالاسىنداعى ماماندار-78 مىڭ ادام (68,3%);
- دەنساۋلىق ساقتاۋ قىزمەتكەرلەرى — 24,4 مىڭ ادام (21,4%);
- مادەنيەت, سپورت جانە الەۋمەتتىك قورعاۋ قىزمەتكەرلەرى-6,9 مىڭ ادام (6%);
- اۋىل شارۋاشىلىعى ماماندارى-4 مىڭ ادام (3,5%);
- اۋىلدىق وكرۋگ اكىمى اپپاراتىنداعى مەملەكەتتىك قىزمەتشىلەر-900-گە جۋىق ادام (0,8%).
تۇرعىن ءۇي كرەديتىن الۋشىلاردىڭ قۇرىلىمى:
- ءبىلىم بەرۋ سالاسىنداعى ماماندار-35,1 مىڭ ادام (67,1%);
- دەنساۋلىق ساقتاۋ ماماندارى — 11,6 مىڭ ادام (22,2%);
- مادەنيەت, سپورت جانە الەۋمەتتىك قورعاۋ قىزمەتكەرلەرى-3,4 مىڭ ادام (6,4%);
- اۋىل شارۋاشىلىعى ماماندارى-1,9 مىڭ ادام (3,6%);
- اۋىلدىق وكرۋگ اكىمى اپپاراتىنداعى مەملەكەتتىك قىزمەتشىلەر-360-تان استام ادام (0,7%).
