قازاقستاندا نەسيە الۋشىلار سانى ارتقان

2025 جىلعى ناۋرىزدا قازاقستاندىقتارعا بەرىلگەن كرەديتتەر سانى 1,3% -عا ۇلعايىپ, 21,4 ملن تەڭگەنى قۇراعان. مۇنداي ءوسىم تۇتىنۋشىلىق قارىزداردىڭ 1,9% -عا, 14,4 ترلن تەڭگەگە دەيىن ۇلعايۋىمەن تۇسىندىرىلەدى.

ناۋرىزدا حالىققا تەڭگەمەن بەرىلگەن كرەديتتەر بويىنشا ورتاشا الىنعان سىياقى مولشەرلەمەسى تۇتىنۋشىلىق قارىزدار بويىنشا مولشەرلەمەنىڭ 19,1% -دان 20,4% -عا دەيىن ارتۋىنا بايلانىستى 19,7% -عا دەيىن وسكەن (2025 جىلعى اقپاندا - 18,6%).

بانكتەردىڭ نەسيە قورجىنىنىڭ ساپاسى جوعارى بولىپ قالىپ وتىر. 1 ساۋىرگە كرەديتتىك پورتفەلدىڭ جالپى كولەمىندەگى 90 كۇننەن استام مەرزىمى وتكەن كرەديتتەردىڭ ۇلەسى شامالى ۇلعايىپ, 3,4% قۇرادى. اقپان ايىندا بۇل كورسەتكىش 3,3% بولدى.

حالىقتىڭ نەسيەلەرى بويىنشا NPL90 + قارىزدارىنىڭ ۇلەسى 4,2% نەمەسە 894 ملرد تەڭگەنى, بيزنەس نەسيەلەرى بويىنشا 2,3% نەمەسە 338 ملرد تەڭگەنى قۇرادى. مەرزىمى وتكەن بەرەشەگى 90 كۇننەن استام كرەديتتەردى پروۆيزيالارمەن جابۋ دەڭگەيى 67,1% قۇرادى, بۇل رەتتە 1 قاڭتارداعى كورسەتكىش 67,0% بولدى.

سونداي-اق, اگەنتتىكتە بانكتەردىڭ تازا پايداسى وسكەنىن اتاپ ءوتتى. 2025 جىلعى قاڭتار-ناۋرىز ارالىعىنداعى كەزەڭدە بانكتەردىڭ تازا پايداسى 664 ملرد تەڭگەنى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 16,6% -عا ارتىق.