«باتىرلارعا تاعزىم» پورتالىنىڭ تانىستىرىلىمى وتەدى

مول مالىمەتتەر بازاسى ساقتالعان اتالعان سايتتاعى قانشاما باتىرلار تۋرالى جازىلعان گالەرەيادان كەز كەلگەن قولدانۋشى ولاردىڭ ءومىرى مەن ەرلىكتەرى تۋرالى كولەمدى اقپارات الا الادى.

ەسكە سالايىق, ونلاين-پورتالدى پايدالانۋشىلار – سوعىسقا قاتىسقان ءوز تۋىسىنىڭ تۋرالى ەستەلىكتەرىن بولىسۋگە مۇمكىندىگى بار. وعان قوسا, ءار قولدانۋشى ارداگەر تۋىسىنىڭ سۋرەتتەرىن ۆەب-پورتالعا جۇكتەي الادى. سونىمەن بىرگە ۆەب-پورتالدىڭ دەرەكقورىندا جوق ارداگەرلەردىڭ مالىمەتتەرىن وڭاي ەنگىزۋگە بولادى. ول ءۇشىن مىنا سىلتەمەگە ءوتىڭىز.

ايتا كەتەيىك, 5 مامىر كۇنى قر ۇلتتىق ارحيۆىندە «باتىرلارعا تاعزىم» اتتى بىرەگەي ۆەب-پورتالىنىڭ تانىستىرىلىمى مەن قۇجاتتىق كورمە وتەدى.

ءىس-شارانىڭ ماقساتى – جەڭىستىڭ 80 جىلدىعى حالىقتاردىڭ ەرلىگىن, بىرلىگىن ماڭگىلىك ەتەتىن تاريحي داتا قارساڭىندا ەل تاعدىرىن ءوز تاعدىرىنان بيىك قويا بىلگەن, ەل تۇعىرىن بيىك ەتۋ جولىندا ەرلىكپەن قازا تاپقان ھاس باتىر بابالارىمىزدىڭ قاھارماندىقتارىنا مىڭ تاعزىم ەتە وتىرىپ, سول سوعىسقا قاتىسقان مايدانگەرلەردى ماڭگى ەستە ساقتاۋ.

«باتىرلارعا تاعزىم» (https://batyrlarga-tagzym.kz) سايتىندا قازىردىڭ وزىندە 677 000-نان استام ارداگەر جونىندە, ونىڭ ىشىندە 365 كەڭەس وداعىنىڭ باتىرى, 4 ەكى مارتە كەڭەس وداعىنىڭ باتىرى جانە 19 «داڭق» وردەنىنىڭ كاۆالەرى, «داڭق» وردەنىنىڭ يەگەرلەرى جانە باسقا دا ەرجۇرەك جاۋىنگەرلەر تۋرالى كەڭ كولەمدى مالىمەتتەر بازاسى مەن گالەرەياسى بار.

سونىمەن قاتار ءىس-شارا اياسىندا ۇيىمداستىرىلعان كورمەگە «باتىرلارعا تاعزىم» سايتىنداعى ارداگەرلەردىڭ, سونداي-اق قازاقستان رەسپۋبليكاسى ۇلتتىق ءارحيۆىنىڭ قورىنان الىنعان ۇلى وتان سوعىسىنىڭ ارداگەرلەرى كاري ابيتوۆ, تاڭىربەرگەن قاليحانوۆ, حاميت ەرعاليەۆ, مالىك عابدۋللين, ەرمەكباەۆ سەرىكباەۆتىڭ قۇجاتتارى, مايداندا جازعان حاتتارى قويىلادى.

ءىس-شاراعا ۇوس ارداگەرلەرىنىڭ ۇل-قىزدارى, بەلگىلى قوعام جانە مەملەكەت قايراتكەرلەرى, زيالى قاۋىم وكىلدەرى, ستۋدەنتتەر مەن وقۋشىلار قاتىسادى.

بۇل جوبا – دۇنيەنى ءدۇر سىلكىندىرگەن ءىى دۇنيەجۇزىلىك سوعىستا ۇرپاق الدىنداعى بورىشىن ادال اتقارىپ, ەل ەرتەڭى ءۇشىن كۇرەسكەن بارشا قازاقستاندىق ارداگەرلەرگە كورسەتىلگەن قۇرمەت ءارى بولاشاق ۇرپاقتىڭ جادىندا تاريحي شىندىقتىڭ ماڭگى ساقتالۋىنا جاسالعان ماڭىزدى قادام.
وتەتىن ورنى: استانا قالاسى, نۇرجول جەلەكجولى, 12
ۇلتتىق ءارحيۆى عيماراتى, №414 كونفەرەنتس زال
ۋاقىتى: 5 مامىر 2025 جىل, ساعات 11.00