سۋرەت: ec-sport.kz
ۇكىمەت شىعىس قازاقستان وبلىسى شەمونايحا اۋدانى, ۆولچانكا اۋىلىندا دارىگەرلىك امبۋلاتوريا سالۋ جۇمىستارىن اياقتاۋعا ارناۋلى مەملەكەتتىك قوردان شامامەن 67 ملن تەڭگە ءبولۋ تۋرالى شەشىم قابىلدادى.
جوبانىڭ جالپى قۇنى 419 ملن تەڭگەنى قۇرايدى. قاراجاتتىڭ ءبىر بولىگى بۇرىن ۇكىمەت رەزەرۆىنەن جانە وبلىستىق بيۋدجەتتەن بولىنگەن.
بۇگىنگى تاڭدا نىساننىڭ قۇرىلىسى 65%-عا ورىندالدى. ينجەنەرلىك جەلىلەردى – سۋمەن جابدىقتاۋ, ەلەكتر ەنەرگياسى جانە كوممۋنيكاتسيالاردى جۇرگىزۋ بويىنشا جۇمىستار اتقارىلۋدا. تاپسىرۋ 2025 جىلدىڭ مامىرىنا جوسپارلانعان.
بۇعان دەيىن مەملەكەت باسشىسىنىڭ تاپسىرماسى بويىنشا ۇكىمەت ارناۋلى مەملەكەتتىك قوردان وسكەمەندەگى گەماتولوگيا ورتالىعىنىڭ قۇرىلىسىن اياقتاۋعا 33,6 ملرد تەڭگە بولگەن ەدى.
ايتا كەتۋ كەرەك, قازاقستاندا «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 655 نىساننىڭ: مەديتسينالىق جانە فەلدشەرلىك-اكۋشەرلىك پۋنكتتەر, دارىگەرلىك امبۋلاتوريالار قۇرىلىسى جوسپارلانعان. بۇگىندە 467 نىساننىڭ قۇرىلىسى اياقتالدى. العاشقى مەديتسينالىق-سانيتارلىق كومەك نىساندارىن سالۋعا جانە اۋرۋحانالاردى رەكونسترۋكتسيالاۋعا قاراجات رەسپۋبليكالىق بيۋدجەتتەن بولىنەدى. بۇدان باسقا, قارجىلاندىرۋ ارناۋلى مەملەكەتتىك قوردان دا جۇرگىزىلەدى. پرەمەر-مينيستر دەنساۋلىق ساقتاۋ مينيسترلىگى مەن اكىمدىككە قالعان 188 مەديتسينالىق نىساننىڭ قۇرىلىسىنا جانە اۋرۋحانالاردىڭ قايتا قۇرىلۋىنا اپتا سايىن مونيتورينگ جۇرگىزۋدى تاپسىردى.
