جەكە تۇلعالاردىڭ كاسىپكەرلىككە نەسيە الۋى قيىنداي تۇسپەكفوتو: aikyn.kz
اگەنتتىك تۇتىنۋشىلىق كرەديت بەرۋدىڭ ءوسۋ قارقىنىن شەكتەۋدى كوزدەيدى, دەپ جازادى inbusiness.kz سايتى.
قارجى نارىعىن رەتتەۋ جانە دامىتۋ اگەنتتىگى "قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە بانك جانە ميكروقارجىلىق قىزمەتتى رەتتەۋ ماسەلەلەرى بويىنشا وزگەرىستەر ەنگىزۋ تۋرالى" اگەنتتىك باسقارماسى قاۋلىسىنىڭ جوباسىن ازىرلەدى.
جوبا بانك جانە ميكروقارجىلىق قىزمەتتى رەتتەۋ ماسەلەلەرى بويىنشا نورماتيۆتىك قۇقىقتىق بازانى جەتىلدىرۋ ماقساتىندا ازىرلەندى جانە تۇتىنۋشىلىق كرەديت بەرۋدىڭ ءوسۋ قارقىنىن شەكتەۋگە جانە ازاماتتاردىڭ شامادان تىس بورىش جۇكتەمەسىن بولدىرماۋعا باعىتتالعان.
جوبا تومەندەگىدەي ەرەجەلەردى قامتيدى:
- بانكتەر مەن ميكروقارجى ۇيىمدارى كاسىپكەرلىك ماقساتتار ءۇشىن جەكە تۇلعالارعا جاڭا نەسيەلەر بەرۋ كەزىندە قارىز جۇكتەمە كوەففيتسيەنتىن (قجك) ەسەپتەۋگە مىندەتتى بولادى;
- سوڭعى 12 ايدا 90 كۇننەن استام مەرزىمى وتكەن قارىز الۋشىلار تومەندەتىلگەن قجك الادى (0,25 دەڭگەيىندە);
- سوڭعى ءۇش جىلدا بەرەشەگى كەشىرىلگەن, ناتيجەسىز قايتا قۇرىلىمداۋلار, سونداي-اق 5 جىلدان استام مەرزىمگە تۇتىنۋشىلىق نەسيەلەرى بار جەكە تۇلعالاردى نەسيەلەندىرۋگە تىيىم سالىنادى;
- 3 جىلدان استام مەرزىمگە بەرىلگەن كەپىلسىز تۇتىنۋشىلىق نەسيەلەر بويىنشا تاۋەكەلدى ولشەۋ كوەففيتسيەنتى 350%-عا دەيىن ۇلعايتىلادى.
