اتىراۋ وبلىسىنداعى وقيعا بويىنشا 4 قىزدىڭ ۇستىنەن اكىمشىلىك قۇقىق بۇزۋشىلىق تۋرالى كودەكستىڭ 434-بابىنىڭ 1-بولىگىمەن (ۇساق بۇزاقىلىق) əكىمشىلىك ءىس قوزعالعان. ونىڭ ىشىندە بىرەۋىنە 78 640 تەڭگە ايىپپۇل, ەكەۋىنە 39 320 تەڭگەدەن ايىپپۇل سالىنسا, ءتورتىنشىسى 15 تəۋلىككە əكىمشىلىك قاماۋعا الىنعان.
سونىمەن بىرگە اتالعان فاكتى بويىنشا اتىراۋ قالاسىنىڭ پوليتسيا باسقارماسى قىلمىستىق كودەكستىڭ 372-بابىمەن (مەملەكەتتىك رəمىزدەردى قورلاۋ) سوتقا دەيىنگى تەرگەپ-تەكسەرۋدى باستاعان.
قىلمىستىق ءىس شەڭبەرىندە ءتيىستى ساراپتاما تاعايىندالعان. ولاردىڭ نəتيجەلەرى بويىنشا قۇقىقتىق باعا بەرىلىپ, قىلمىستىق ءىس بويىنشا پروتسەستىك شەشىم قابىلدانادى.
قىلمىستىق قۋدالاۋ ورگانى «Ozon» ماركەتپلەيسىنىڭ قازاقستانداعى وكىلدىگىنە قىلمىستىق قۇقىق بۇزۋشىلىقتار جəنە باسقا دا زاڭ بۇزۋشىلىقتار جاساۋعا ىقپال ەتكەن مəن-جايلاردى جويۋ جونiندەگi ۇسىنىم (قىلمىستىق پروتسەستىك كودەكستىڭ 200-بابىنىڭ تəرتىبىندە) قىلمىستىق ءىس شەڭبەرىندە جولداندى. نəتيجەسىندە «Ozon» سايتىنان جازۋى بار قازاقستان رەسپۋبليكاسىنىڭ مەملەكەتتىك تۋىن ساتۋ تۋرالى, سونداي-اق كەز كەلگەن ءدىني ماتەريالدارعا قاتىستى بارلىق جارنامالار الىنىپ تاستالدى. سونىمەن قاتار مəدەنيەت جəنە اقپارات مينيسترلىگى ماركەتپلەيستەردە ءدىني ماتەريالداردىڭ تارالۋىن زاڭنامالىق رەتتەۋ مəسەلەسىن قاراستىرىپ جاتىر, – دەيدى باس پروكۋرور بەرىك اسىلوۆ دەپۋتاتتارعا بەرگەن جاۋابىندا.18:36
بۇل فوتو اتىراۋداعى حيۋاز دوسپانوۆا اتىنداعى مۇز سارايىندا ءتۇسىرىلۋى مۇمكىن. اتىراۋ وبلىستىق پوليتسيا دەپارتامەنتى قازىر سۋرەتكە تۇسكەندەر انىقتالعانىن حابارلادى.
- الەۋمەتتىك جەلىدە تارالعان جازبا بويىنشا مەملەكەتتىك رامىزدەردى قورلاۋ بابىمەن قىلمىستىق ءىس تىركەلىپ, سوتقا دەيىنگى تەرگەۋ امالدارى جۇرگىزىلىپ جاتىر. تارالعان جازباداعى ءتورت كۇدىكتى دە انىقتالىپ, پوليتسيا بولىمشەسىنە جەتكىزىلدى. ولاردىڭ ەكەۋى ءجاسوسپىرىم بولعاندىقتان, اتا-اناسىنىڭ قاتىسۋىمەن جاۋاپ الىنۋدا. وزگە اقپارات تەرگەۋ مۇددەسىنە سايكەس جاريالانۋعا جاتپايدى, – دەلىنگەن پوليتسيا حابارلاماسىندا.
ولار ۇستاپ تۇرعان قازاقستاننىڭ مەملەكەتتىك تۋىنىڭ جوعارعى جاعىندا ارابشا جازۋ جازىلىپ, قىلىشتىڭ بەينەسى سۋرەتتەلگەن. ياعني ساۋد ارابياسى تۋىنىڭ ەلەمەنتتەرى قوسىلعان.
