فوتو: egemen.kz/ ەرلان ومار
مۇگەدەكتىگى بار ادامدارعا ارنالعان الەۋمەتتىك سالىق شەگەرىمى 5 مىڭ اەك-كە دەيىن ۇلعايتىلدى. بىرقاتار قوعامدىق بىرلەستىكتى كەي سالىقتان بوساتۋ جوسپارلانعان.
الكوگول مەن تەمەكى ونىمدەرىنە, سونداي-اق قۇرامىندا قىزدىرىلعان تەمەكى بار ونىمدەرگە اكتسيز مولشەرلەمەلەرىن كەزەڭ-كەزەڭىمەن ارتتىرۋ, ەنەرگەتيكالىق سۋسىندارعا اكتسيزدەردى ەنگىزۋ تۋرالى شەشىم قابىلداندى.
اۋىل شارۋاشىلىعى ماقساتىنداعى جەرلەردى ءتيىمسىز پايدالانعان جاعدايدا جەر تەلىمدەرىن پايدالانعانى ءۇشىن تولەماقى مولشەرلەمەسى 100 ەسەگە دەيىن كوتەرىلەدى. جەر قويناۋىن پايدالانعانى ءۇشىن تولەم ستاۆكالارى دا ليتسەنزيانىڭ قولدانىلۋ مەرزىمى مەن ۋچاسكەلەردىڭ سانىنا بايلانىستى قايتا قارالادى.
