1915 جىلى امەريكالىق كاسىپكەر توماس لايل ۋيليامس ءوز اپكەسى مەيبەلدىڭ ەرەكشە ادەتىنە كۋا بولادى. ول كىرپىكتەرىن قويۋ ءارى ۇزىن ەتىپ كورسەتۋ ءۇشىن ۆازەلين مەن كومىر ۇنتاعىن ارالاستىرىپ بويايدى ەكەن. وسىنى بايقاعان ۋيليامس ءتوزىمدى كوسمەتيكالىق قۇرالدىڭ فورمۋلاسىن جاساپ شىعارىپ, امەريكا نارىعىندا العاش رەت كىرپىككە ارنالعان تۋشتى ۇسىنادى. ۋيليامس جاڭا ءونىمىن «Maybelline» دەپ اتايدى. بۇل اتاۋ اپكەسىنىڭ ەسىمى — مەيبەل مەن ۆازەلين سوزدەرىن بىرىكتىرۋ ارقىلى پايدا بولعان. وسىلايشا, قاراپايىم يدەيادان تۋعان ءونىم بۇگىندە جاھاندىق كوسمەتيكا يندۋسترياسىنىڭ بەتكە ۇستار برەندىنە اينالدى.
