وبلىس اكىمى بەيبىت يساباەۆ ارداگەرلەرمەن كەزدەسىپ, الاكول مەن كوكسۋ اۋداندارىندا دا وسىنداي ورتالىقتار اشىلاتىنىن ايتتى. ول اعا بۋىننىڭ ومىرلىك تاجىريبەسى مەن قوعامدىق ومىرگە قوسقان ۇلەسىنىڭ ماڭىزىن اتاپ ءوتتى.
سونداي-اق, اكىم 2023 جىلى اشىلعان سارقان قالاسىنداعى «جانۇيا» ورتالىعىنىڭ جۇمىسىمەن تانىستى. مۇندا تۇرمىستىق زورلىق-زومبىلىق كورگەن نەمەسە قيىن جاعدايعا تاپ بولعان ازاماتتارعا الەۋمەتتىك, قۇقىقتىق جانە پسيحولوگيالىق كومەك كورسەتىلەدى. قاجەت بولعان جاعدايدا ءبىر ايعا دەيىن ۋاقىتشا تۇرۋ مۇمكىندىگى قاراستىرىلعان. بيىل ورتالىققا 24 ءوتىنىش كەلىپ تۇسكەن.
وبلىستا جالپى 7 «جانۇيا» ورتالىعى جۇمىس ىستەيدى, بيىل اقسۋ, ەسكەلدى جانە كوكسۋ اۋداندارىندا دا اشىلادى. بۇل باستاما «AMANAT» پارتياسىنىڭ 2023–2027 جىلدارعا ارنالعان باعدارلاماسى اياسىندا جۇزەگە اسۋدا.
