سەنبىلىكتە وبلىس اكىمى بەيبىت يساباەۆ, مەملەكەتتىك جانە بيۋدجەتتىك سالا قىزمەتكەرلەرى, ەڭبەك ۇجىمدارى, قوعامدىق ۇيىمدار, اۋىلدار مەن قالالاردىڭ تۇرعىندارى بولدى. تازالىق شاراسىندا وبلىس اۋماعىنداعى ەلدى مەكەندەر تۇگەل قامتىلىپ, كوشەلەردىڭ بويىندا, ساياباق, سكۆەر, اللەيالاردا سانيتارلىق تازالاۋ جۇمىستارى جۇرگىزىلدى.
جالپى وسى كۇنى وبلىس بويىنشا سەنبىلىككە 11 490 ادام, 66 تەحنيكا جۇمىلدىرىلىپ, 788 توننا قوقىس شىعارىلدى.
- بۇگىن سەنبىلىكتە تالدىقورعانداعى نازارباەۆ كوشەسىنىڭ بويىندا قاراتال وزەنىنىڭ ماڭىن تازارتتىق. ءار سەنبىدە وتكىزىلەتىن مۇنداي شارالار قالا تازالىعىنا, ەكولوگيالىق مادەنيەتىمىزدى قالىپتاستىرۋعا ءوزىنىڭ جاقسى اسەرىن تيگىزەدى دەپ ويلايمىن. وعان قوسا سەنبى كۇندەرى وتباسى مۇشەلەرىمەن بىرگە ءوز تۇرعىن ءۇيىمىزدىڭ ماڭايىن تازالاۋدى دا تۇراقتى داستۇرگە اينالدىردىق. جالپى مۇنداي سەنبىلىكتەر قورشاعان ورتا ءۇشىن دە, تۇرعىنداردىڭ ءوزى ءۇشىن دە پايدالى ەكەنىن ۇعىنىپ, ارقايسىمىز دا ۇلەس قوسۋىمىز كەرەك, - دەيدى قالا تۇرعىنى مارجان سەرىكباەۆا.
كوكتەمگى تازالىق شارالارىمەن قاتار بۇل كۇنى كوگالداندىرۋعا دا كوڭىل ءبولىندى. جالپى بيىل 120 مىڭ كوشەت وتىرعىزۋ جوسپارلانعان, سونىڭ ىشىندە بۇگىن ء«بارىمىز بىرگە» اكتسياسىنىڭ اياسىندا 1 360 اعاش وتىرعىزىلدى, سونىڭ 1 160-ى جاپىراقتى, 200-ءى - قىلقان جاپىراقتى.
