الماتى وبلىستىق سوتى ۇكىمنىڭ ءمان-جايىن ايتتى. وسىلايشا, سوت 2024 جىلدىڭ ماۋسىم ايىندا قوناەۆ قالاسىنداعى «الەكس» دەمالىس ايماعىندا ەكى سوتتالۋشى مەن جابىرلەنۋشى اراسىندا جانجال شىعىپ, ونىڭ توبەلەسكە ۇلاسقانىن انىقتادى.
«جابىرلەنۋشى باسىم ءتۇسىپ, سودان كەيىن ايىپتالۋشىلاردا كىسى ولتىرۋگە باعىتتالعان قىلمىستىق نيەت پايدا بولدى. وسى ويلارىن جۇزەگە اسىرۋ ءۇشىن ولار تاعى ءتورت ادامدى تارتقان. سول كەشتىڭ وزىندە قوناەۆ كوشەسىندەگى حقكو ماڭىندا ولار جابىرلەنۋشىگە بىرنەشە رەت وق اتقان, ناتيجەسىندە ول اۋرۋحاناعا بارا جاتقان جولدا كوز جۇمدى. ونىڭ دوسى جاراقات العان, بىراق دەر كەزىندە كورسەتىلگەن مەديتسينالىق كومەكتىڭ ارقاسىندا امان قالدى», دەلىنگەن حابارلامادا
سوت بارلىق ايىپتالۋشىلاردى كىنالى دەپ تاپتى. كىسى ولتىرگەنى ءۇشىن ەكى ەر ادام 19 جىلعا, قالعان تورتەۋى 17 جىلعا سوتتالدى.
«سونداي-اق سوتتالۋشىلاردىڭ ءبىرى جالعان ايعاق بەرگەنى ءۇشىن كىنالى دەپ تانىلىپ, وعان ەكى جىل التى ايعا باس بوستاندىعىن شەكتەۋ جازاسى تاعايىندالدى. سوت جازانى جەڭىلدەتەتىن ءمان-جايلار رەتىندە سوتتالۋشىلاردىڭ كامەلەتكە تولماعان بالالارى مەن سوتتىلىعىنىڭ بولماۋىن قاراستىردى. اتىس قارۋىن قولدانۋ جازانى اۋىرلاتاتىن ءمان-جاي دەپ تانىلدى», دەلىنگەن حابارلامادا.
