فوتو: سۋ رەسۋرستارى جانە يرريگاتسيا مينيسترلىگى
2025 جىلدىڭ باسىنان بەرى قاپشاعاي سۋ قويماسىنان بالقاشقا 3,8 ملرد تەكشە مەتر سۋ جىبەرىلگەن. بىلتىر وسى كەزەڭدە بۇل كورسەتكىش 2,9 ملرد تەكشە مەتر بولعان.
بۇل ءوڭىردىڭ ەكولوگيالىق احۋالىنا جانە ىلە وزەنىنىڭ ساعاسىنا وڭ اسەرىن تيگىزەدى. مينيسترلىك قاپشاعاي سۋ قويماسىن تولتىرۋ اقدالا جانە شەڭگەلدى سۋارمالى القاپتارىندا سۋارۋ ماۋسىمىن جوعارى دەڭگەيدە وتكىزۋگە مۇمكىندىك بەرەتىنىنە سەنىم ءبىلدىرىپ وتىر.
«مينيسترلىك بالقاش كولىنە قاجەتتى سۋ كولەمىن قامتاماسىز ەتۋ بويىنشا كەشەندى جۇمىس جۇرگىزىپ جاتىر. كەلەسى اپتادا فرانتسيادان كەلگەن ساراپشىلارمەن بىرگە بالقاشتى ساقتاۋ بويىنشا 2040 جىلعا دەيىنگى ماستەر-جوسپاردى ازىرلەۋ ماسەلەسىن تالقىلايمىز. بىلتىر ءبىز كول الابىن بىرلەسىپ زەرتتەۋ تۋرالى كەلىسىمگە قول جەتكىزگەنىمىزدى ەسكە سالعىم كەلەدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
بالقاش كولىندەگى سۋ كولەمى ترانسشەكارالىق ىلە وزەنىنە بايلانىستى. ويتكەنى وزەن اعىسى قاپشاعاي سۋ قويماسى ارقىلى رەتتەلەدى. بيىل سۋ قويماسىنان بالقاشقا 12 ملرد تەكشە مەتر سۋ جىبەرۋ جوسپارلانعان.
