فوتولار: مادەنيەت جانە اقپارات مينيسترلىگى
مۋزەي قىزمەتكەرلەرى كوپشىلىككە ەسىكتى رەستاۆراتسيالاۋ كەزەڭدەرى تۋرالى اڭگىمەلەدى جانە ەسىكتەگى جازبالاردىڭ ماعىناسىن دا ءتۇسىندىرىپ ءوتتى.
ەكى جىل جۇرگىزىلگەن عىلىمي-زەرتتەۋ ناتيجەسى بويىنشا XIV عاسىردان بەرى ساقتالىپ كەلگەن قاسيەتتى ەسىكتىڭ ءوڭى سىر بەرە باستاعانى ماعلۇم بولعان. سول سەبەپتەن 2021 جىلى ەسىك قالپىنا كەلتىرۋ لابوراتورياسىنا رەستاۆراتسيا-كونسەرۆاتسيا جۇمىستارى ءۇشىن جىبەرىلگەن ەكەن.
«بۇل جوبا بارىسىندا 3D-سكانەرلەۋ, رەنتگەنوگرافيا جانە نەيتروندى توموگرافيا سياقتى زاماناۋي تەحنولوگيالار قولدانىلدى. 5 جىل بويعى قايتا قالپىنا كەلتىرۋ جۇمىستارىنىڭ ناتيجەسىندە, ەسىك عاسىرلار بويى قوردالانىپ قالعان شاڭ-توزاڭنان, زيانكەستەردەن تازارتىلدى. بۇل قاسيەتتى ەسىكتىڭ ءالى ۇزاق ساقتالۋىنا سەپ بولىپ, وسى ۋاقىتقا دەيىنگى بەلگىسىز جازۋلاردى دا وقۋعا مۇمكىندىك بەرىپ وتىر. رەستاۆراتسيالاۋدان وتكەن قابىرحانا ەسىگى تۇركىستانعا قايتارىلىپ, «ازىرەت سۇلتان» ۇلتتىق تاريحي-مادەني مۋزەي قورىعىندا سيرەك جادىگەرلەر مۋزەيىنىڭ ەكسپوزيتسياسىنا قويىلدى», دەپ حابارلاندى مادەنيەت جانە اقپارات مينيسترلىگىنىڭ ءباسپاسوز قىزمەتىنەن.
