قازىرگى جاھاندانۋ مەن باسەكەلەستىك جاعدايىندا ۋنيۆەرسيتەتتەر زامان تالابىنا ساي وزگەرىستەر مەن جاڭاشىلدىققا يكەمدى بولۋى ءتيىس.
قازاقستان رەسپۋبليكاسىنىڭ پرەزيدەنت قاسىم-جومارت توقاەۆ قازاقستان حالقىنا كەزەكتى جولداۋىندا: «جوعارى وقۋ ورىندارى جانىنداعى ەنداۋمەنت-قورلار ءبىلىم بەرۋ ەكوجۇيەسىن دامىتۋدىڭ نەگىزگى بۋىنىنا اينالۋعا ءتيىس. ماقساتتى كاپيتالدىڭ مۇنداي قورلارى الەمدەگى وزىق ۋنيۆەرسيتەتتەردە عىلىمدى جانە يننوۆاتسيانى قارجىلاندىرۋدىڭ وزەگى سانالادى», دەپ اتاپ ءوتتى.
وسى ماقساتتا ۇزدىك داستۇرلەردى جالعاستىرا وتىرىپ, ءبىلىم بەرۋدى ودان ءارى دامىتۋ ءۇشىن اباي اتىنداعى قازاق ۇلتتىق پەداگوگيكالىق ۋنيۆەرسيتەتى جانىنان «Abai Endowment Fund» كورپوراتيۆتىك قورى قۇرىلدى.
اباي ەنداۋمەنت قورى - ۋنيۆەرسيتەتتىڭ ۇزاق مەرزىمدى ستراتەگيالىق دامۋىنىڭ باعدارى. قور ارقىلى ءبىز ءبىلىم بەرۋ جانە عىلىمي جوبالاردى ىسكە اسىرۋ ءۇشىن تۇراقتى قارجىلىق قولداۋعا يە بولامىز.
«Abai Endowment Fund» كورپوراتيۆتىك قورىنىڭ ماقساتى - قازۇپۋ - دا يننوۆاتسيالىق عىلىم مەن ءبىلىم بەرۋدىڭ جاڭا قىرلارىن دامىتۋعا ىقپال ەتۋ, ۋنيۆەرسيتەتتىك ءبىلىمنىڭ ماڭىزدىلىعىن قوعامعا كەڭىنەن ناسيحاتتاۋ جانە عالىمداردى قولداۋ. قور قىزمەتى اياسىندا ۋنيۆەرسيتەت اۋماعىن اباتتاندىرۋ, كىتاپحانا قورىن تولىقتىرۋ, ۋنيۆەرسيتەت ينفراقۇرىلىمىن دامىتۋ, ستۋدەنتتەرگە اتاۋلى گرانتتار مەن شاكىرتاقىلار تاعايىنداۋ, قايىرىمدىلىق شارالارعا اتسالىسۋ, سونداي-اق ءبىلىم الۋشىلارعا ماتەريالدىق قولداۋ كورسەتۋ جۇمىستارى جۇزەگە اسىرىلادى.
اباي ەنداۋمەنت قورىنىڭ ىسكە قوسىلۋى بۇل قازاقستاندىق جوعارى ءبىلىم بەرۋ جۇيەسى ءۇشىن ماڭىزدى وقيعا. اباي ۋنيۆەرسيتەتى الەمنىڭ ۇزدىك تاجىريبەلەرىنە سۇيەنە وتىرىپ, قازاقستاندا عىلىم مەن ءبىلىم بەرۋدى قارجىلىق قولداۋدىڭ جاڭا مادەنيەتىن قالىپتاستىرادى.
قۇرمەتتى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ تۇلەكتەرى, ۇستازدارى مەن ستۋدەنتتەرى! قادىرلى ىسكەر سەرىكتەستەر!
سىزدەردى عاسىرلىق تاريحى بار, ەلىمىزدىڭ تۇڭعىش جوعارى وقۋ ورنى - اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ اباي ەنداۋمەنت قورىن قولداۋعا شاقىرامىن!
ءسىزدىڭ ۇلەسىڭىز - بۇل جاي عانا كومەك ەمەس, بۇل ءبىزدىڭ alma mater-ءدىڭ بولاشاعىنا ينۆەستيتسيا.
ءدال وسى قولداۋلارىڭىز - ءبىلىم ساپاسىن جاقسارتۋعا, عىلىمي زەرتتەۋلەردى دامىتۋعا, ستۋدەنتتەر مەن وقىتۋشىلار ءۇشىن مۇمكىندىكتەر جاساۋعا, سونداي-اق اباي ۋنيۆەرسيتەتىنىڭ حالىقارالىق ارەناداعى بەدەلىن نىعايتۋعا مۇمكىندىك بەرەدى.
اباي ەنداۋمەنت قورىن قولداۋ - ۇلتىمىزدىڭ جارقىن بولاشاعىنا ينۆەستيتسيا جاساۋ!
جاناتبەك ىشپەكباەۆ
«اباي اتىنداعى قازاق ۇلتتىق
پەداگوگيكالىق ۋنيۆەرسيتەتى»كەاق
رەكتور اپپاراتىنىڭ باcشىسى,
ش.ءۋاليحانوۆ اتىنداعى سىيلىقتىڭ لاۋرەاتى
ساياسي عىلىمدارىنىڭ كانديداتى, پروفەسسور
