ەكى كۇنگە سوزىلعان تارتىستى باسەكەدە جالپىكوماندالىق ەسەپ بويىنشا 1-ورىندى قازاقستان قۇراماسى (6 التىن مەدال) يەلەندى. موڭعوليا مەن قىتاي قۇراماسى 2-ورىن, قىرعىزستان قۇراماسى 3-ورىن الدى.
IV ازيا چەمپيوناتىندا توپ جارعان قازاقستاندىق سپورتشىلار ازامات سەرعازين, المات لاتيپبەك, راسۋل قۇرايىش, ەسىمحان راحماتۋللا, سىرىم ءىزباساروۆ جانە ءبىرجان قوساليەۆ التىننان القا تاعىپ, ەل مەرەيىن ءوسىردى.
ءار سالماق دارەجەسى بويىنشا كۋبوك, مەدال, ديپلوم جانە اقشالاي سىيلىقتار تابىستالدى. جۇلدە قورى 10 800 000 تەڭگەنى قۇرادى.
سپورتتىق شارانى قازاقستان رەسپۋبليكاسى تۋريزم جانە سپورت مينيسترلىگى مەن الماتى وبلىستىق دەنە شىنىقتىرۋ جانە سپورت باسقارماسى, دۇنيەجۇزىلىك ات سپورتى فەدەراتسياسى (World Federation of Horseback Wrestling), قر ۇلتتىق سپورت تۇرلەرى قاۋىمداستىعى جانە «اۋدارىسپاق فەدەراتسياسى» ۇيىمداستىردى.
چەمپيوناتقا «Atasu Group» حالىقارالىق كولىك-لوگيستيكالىق كومپانياسى مەن نۇربانك دەمەۋشىلىك جاسادى.
الماتى وبلىسى
