«ۋنيۆەرسيتەتتىڭ شارۋاشىلىق ءبولىمى 2022 جىلدىڭ قاراشا ايىندا №2 جاتاقحاناداعى 1-قاباتتىڭ قابىرعاسىندا اقاۋدىڭ پايدا بولعانىن انىقتادى. وسى جاعداي انىقتالعان سوڭ مەملەكەتتىك ساتىپ الۋ پورتالى ارقىلى جاتاقحانانىڭ تەحنيكالىق قاۋىپسىزدىگىنە ساراپتاما جۇرگىزۋگە كونكۋرس جاريالاندى. 2023 جىلعى 21 اقپانداعى №138 كەلىسىمشارتقا سايكەس «PFA compani» جشس تەحنيكالىق زەردەلەۋ جۇمىستارىن جۇرگىزىپ, عيماراتتىڭ اپاتتى جاعدايدا ەكەنى راستالدى. ستۋدەنتتەر باسقا جاتاقحانالارعا كوشىرىلىپ, ورنالاستىرىلدى», دەلىنگەن ۋنيۆەرسيەتتىڭ ءباسپاسوز قىزمەتى ۇسىنعان حابارلامادا.
اتىراۋ وبلىسىنىڭ قۇرىلىس باسقارماسى ۋنيۆەرسيتەتتىڭ اپاتتى جاعدايداعى ەكى جاتاقحاناسىنىڭ عيماراتىن بۇزىپ, ستۋدەنتتەرگە ارنالعان 1000 ورىندىق جاڭا جاتاقحانا سالۋ ءۇشىن جوبالىق-سمەتالىق قۇجاتتاما دايىنداعان. قازىرگى ۋاقىتتا جوبا ساراپتامادان وتۋگە جولدانعان.
«اپاتتى دەپ تانىلعان №2 جاتاقحانانىڭ اينالاسى قورشالىپ تۇر. جاتاقحانانىڭ ءبىر بولىگىنىڭ قۇلاعانىنان ەشكىم زارداپ شەككەن جوق», دەپ مالىمدەدى ءباسپاسوز قىزمەتىنەن.
