تاقىرىپتىق اپتا استانادا ەرىكتىلەردىڭ, بەلسەندىلەردىڭ, ستارتاپەرلەردىڭ, ءىرى ونەركاسىپتىك كاسىپورىنداردىڭ قاتىسۋىمەن «تازا قازاقستان» باستاماسىن ىسكە اسىرۋدىڭ ءبىرىنشى جىلىنىڭ قورىتىندىلارىنا ارنالعان رەسپۋبليكالىق ەكوفەستيۆالدەن باستالادى.
شارا اياسىندا "ۇزدىك ەكولوگيالىق ءبىلىم بەرۋ مەكەمەسى", بالالار اراسىندا سۋعا ۇقىپتى قاراۋ تاقىرىبىندا سۋرەت سالۋ, "جاسىل ۋنيۆەرسيتەت" (ەكولوگيا جانە ورنىقتى دامۋ سالاسىنداعى عىلىمي جوبالار مەن ءبىلىم بەرۋ باعدارلامالارى ءۇشىن), "ۇزدىك ەكولوگيالىق ستارتاپ جوبا" رەسپۋبليكالىق كونكۋرستارىنىڭ جەڭىمپازدارى ماراپاتتالادى.
ەستافەتانى ەلىمىزدىڭ وڭىرلەرى دە قابىلدايدى. اپتالىق اياسىندا قالالار مەن اۋىلداردا 200-گە جۋىق ءتۇرلى ەكولوگيالىق ءىس-شارالار وتەدى. سونىڭ ىشىندە "تازا ايماق", "تازا سۋ ايدىندارى", "تازا بەيسەنبى”, “كيەلى مەكەن", "جاسىل ايماق", ء"مولدىر بۇلاق" جانە ت. ب. اۋماقتاردى تازارتۋ بويىنشا اكتسيالار ۇيىمداستىرىلماق.
اپتالىق جالپى رەسپۋبليكالىق سەنبىلىكپەن اياقتالادى. ەلدى مەكەندەردى كوگالداندىرۋ بويىنشا اۋقىمدى اكتسيا اياسىندا 20 مىڭ كوشەت وتىرعىزۋ جوسپارلانۋدا.
قازىرگى تاڭدا "تازا قازاقستان" ەكولوگيالىق باستاماسىنا قاتىسۋشىلاردىڭ سانى 6 ميلليوننان استى, بۇل ءاربىر ءۇشىنشى قازاقستاندىق. جالپى كۇش-جىگەرمەن 1,8 ملن. گا اۋماق تازارتىلياپ, 1,1 ملن.توننا قوقىس جينالدى, 1,6 ملن. استام جاسىل جەلەك وتىرعىزىلدى, 5 مىڭنان استام تاريحي-مادەني مۇرا وبەكتىلەرى قالپىنا كەلتىرىلدى.
ايتا كەتۋ كەرەك, "تازا قازاقستان" باستاماسى اياسىنداعى ەكولوگيالىق ءىس-شارالار تۇراقتى نەگىزدە جالعاسىپ, قاتىسۋشىلاردىڭ سانى ارتىپ كەلەدى. ونىڭ باستى ماقساتى - تۇراقتى ەكولوگيالىق مادەنيەت پەن جاۋاپكەرشىلىكتى قالىپتاستىرۋ, ەكولوگيالىق ساۋاتتىلىق دەڭگەيىن ارتتىرۋ, سونداي-اق تابيعي رەسۋرستاردى باسقارۋدىڭ زاماناۋي تاسىلدەرىن ەنگىزۋ.
ەلىمىزدىڭ بارلىق ازاماتتارىن ەكولوگيالىق باستاماعا قوسىلۋعا جانە قازاقستاننىڭ تابيعاتىن ساقتاۋعا, ەلىمىزدىڭ ەكولوگيالىق بولاشاعىن جاقسارتۋعا ءوز ۇلەستەرىن قوسۋعا شاقىرامىز!
