جارىستىڭ اشىلۋ سالتاناتىندا بقو دەنە شىنىقتىرۋ جانە سپورت باسقارماسىنىڭ باسشىسى باقداۋلەت ءسابيتوۆ, Qazaq Kuresi قاۋىمداستىعىنىڭباس ديرەكتورى دامير بەكبوسىنوۆ ءسوز سويلەپ, جاس سپورتشىلارعا ساتتىلىك تىلەدى.
«ۇلتتىق سپورتتى دامىتۋ – ءاربىرىمىزدىڭمىندەتىمىز. بءىزدىڭ وڭىردە ۇلتتىق سپورتتىڭ دامۋى ەندى قارقىن الا باستادى. سوندىقتان بار ىقىلاسىمىزدى سالىپ, ونى الەمدىك ارەناعا شىعارۋدى ماقسات تۇتامىز. ەگەر وسى جارىستا باتىس قازاقستان وبلىسىنان بىرنەشە جەڭىمپاز شىعىپ جاتسا, الەم نەمەسە ازيا چەمپيوناتىن وتكىزۋدى قولعا الامىز» دەدى د.بەكبوسىنوۆ.
«ورال» سپورت كلۋبىنىڭ ديرەكتورى ورىنباسار عيلىموۆ ءوز سوزىندە اۋدارىسپاق, بايگە تۇرلەرى, ءداستۇرلى ساداق اتۋ, جامبى اتۋ, جەكپە-جەك, كوكپار,توعىزقۇمالاق اتتى ۇلتتىق سپورت تۇرلەرىن بارىنشا دامىتۋدى قولعا العاندارىن تىلگە تيەك ەتتى.
«بابالار ءىزى» ليگاسىن بىلتىر باستاعانبىز. ول كەزدە قالالىق دەڭگەيدە ءوتتى. بيىل ەندى ليگانىڭ اۋقىمىن ۇلكەيتەيىك دەگەن ماقساتتا جاقىن ايماقتاعى اۋدانداردان قاتىسۋشىلار شاقىرتتىق. ياعني قازىرگى تاڭدا وبلىستىق جارىسقا اينالدى. 20 ناۋرىزدا باستاۋ العان ليگا ءبىر ايعا سوزىلادى. بۇنىڭ باسقا جارىستاردان ەرەكشەلىگى – ءبىر-ەكى جارىسپەن شەكتەلىپ قالمايدى. ءار سەنبى, جەكسەنبى كەزدەسكەن كوماندالار كەلەسى دەمالىسقا دەيىن ۇزدىكسىز دايىندىق جاسايدى. سول ارقىلى ولاردىڭ قىزىعۋشىلىعى دا ارتىپ جاتىر» دەءدى ول.
سونىمەن جاستار اراسىنداعى ەل بىرىنشىلىگى تارتىسقا تولى ءوتىپ, جالعاشقى كۇنى قىزدار اراسىندا باس جۇلدەنى 60 كەلىدە اقبوتا سماتالي (جەتىسۋ وبلىسى), 65 كەلىدە اياۋلىم بالعاباەۆا (جامبىل), 70 كەلىدە اقبوتا قىدىرالى (تۇركىستان), +70 كەلىدە نارگيز ورازبەكوۆا (استانا) جەڭىپ الدى.
جىگىتتەر اراسىنان 90 كەلىدە ەراسىل مەرجانوۆ(اباي), 100 كەلىدە ەرداۋلەت قالمىرزا (تۇركىستان), +100 كەلىدە مەيىرحان بەيسەنالى (تۇركىستان) وزا شاۋىپ, چەمپيون اتاندى.
چەمپيوناتتىڭ ەكىنشى كۇنى باتىسقازاقستاندىقەلنارا اناربەكقىزى جەرگىلىكتى جانكۇيەرلەردى قۋانتىپ, 48 كەلى سالماق دارەجەسىندە جەڭىس تۇعىرىنا كوتەرىلدى. ودان بولەك, 44 كەلىدە جانسايا تادجيموۆا(قىزىلوردا), 52 كەلىدە اليرا شەگەلەكوۆا (اباي), 56 كەلىدە گۇلناز ومىربەك (تۇركىستان) جەڭىمپاز بولسا, جىگىتتەر سىندارىندا ەراسىل باقداۋلەت (جامبىل) 72 كەلى, بەكزات ماقسۇتوۆ (اباي) 78 كەلى, سۇلتان-بەيبارىس قايرات ۇلى (اباي) 84 كەلى سالماق دارەجەلەرىندە الدىنا جان سالمادى.
