بيىلعى جىلدىڭ ءبىرىنشى توقسانىنىڭ قورىتىندىسى بويىنشا جەرگىلىكتى بيزنەسكە 572 ملن تەڭگە سوماسىندا قارىزدار بەرىلگەن. نەسيەلەردىڭ ۇشتەن بىرىنەن استامى ءوندىرىس جانە قايتا وڭدەۋ سالاسىنداعى جوبالارعا تيەسىلى. حالىققا قىزمەت كورسەتۋگە باعىتتالعان باستامالاردىڭ 21, تۋريزم جانە ءبىءلىم بەرۋ سالالارىنداعى جوبالاردىڭ 14 پايىزى قارجىلاندىرىلدى.
«Almaty Business-2025» باعدارلاماسى ىسكە قوسىلعان ساتتەن باستاپ «الماتى» مقۇ شامامەن 14 ملرد تەڭگەگە 600-دەن استام جوبانى قارجىلاندىردى.
«جەڭىلدەتىلگەن نەسيەلەۋ اياسىندا قالادا 2,5 مىڭنان استام جاڭا جۇمىس ورنى قۇرىلىپ, كاسىپكەرلىك بەلسەندىلىك ارتىپ, جۇمىسپەن قامتۋ كورسەتكىشى وسكەن. «Almaty Business-2025» باعدارلاماسى قالا بيۋدجەتىنە تۇسەتىن سالىق تۇسىمدەرىنىڭ ۇلعايۋىنا دا ىقپال ەتىپ وتىر, مىسالى, قارىز الۋشىلار 2019 جىلدان باستاپ 2 ملرد. تەڭگەدەن استام سالىق تولەءدى», دەيدى«الماتى» مقۇ باسقارما توراعاسى التاي يسماعامبەتوۆ.
«الماتى» مقۇ-دا ءبىر قارىز الۋشىعا 78 ملن تەڭگەدەن استام نەسيە بەرىلەدى. قارىزدى قايتارۋ مەرزىمى - 7 جىل. باعدارلاماعا قاتىسۋدىڭ نەگىزگى شارتى بيزنەس الماتى قالاسىنىڭ اۋماعىندا تىركەلگەن بولۋى كەرەك. باعدارلاما اياسىندا ءوءندىرىس جانە قايتا وڭدەۋ, الەۋمەتتىك باعدارلانعان كاسىپكەرلىك سالالارىنداعى جوبالار, سونداي-اق يمپورتتى الماستىرۋعا, ەكسپورتقا باعدارلانعان ءارىكرەاتيۆتى يندۋستريالارعا باعىتتالعان باستامالار قولداۋ تاباتىن بولادى.
