سۋرەت: altyalash.kz
«ارداگەرلەر ۇيىمى» رقب ورتالىق كەڭەسىنىڭ توراعاسى باقتىقوجا ىزمۇحامبەتوۆ اتاپ وتكەندەي, بۇل پلەنۋمنىڭ جۇمىسى نەگىزىنەن پرەزيدەنت قاسىم-جومارت توقاەۆتىڭ باستامالارىن قولداۋعا ارنالدى. بۇگىندە مەملەكەت باسشىسىنىڭ ەل الدىنا قويعان باستى ماقساتى – ادىلەتتى قازاقستاندى قۇرۋ. وسى جولدا ەلىمىزدە تالاي يگىلىكتى ءىس اتقارىلىپ جاتىر. بولاشاققا كەلەلى مىندەتتەر قويىلدى. ونىڭ بىرقاتارى جۋىردا بۋرابايدا وتكەن ۇلتتىق قۇرىلتايدىڭ ءتورتىنشى وتىرىسىندا دا ايتىلعان ەدى.
ب.ىزمۇحامبەتوۆ سول وتىرىس بارىسىندا مەملەكەت باسشىسى ق.توقاەۆتىڭ الدىندا ۇلتتىق قۇندىلىقتارىمىز – ەل ىشىندەگى ءتىل مەن دىنگە, ىسىراپشىلدىققا قاتىستى كەلەڭسىزدىكتەردى ماسەلە رەتىندە كوتەرگەنىن مالىمدەدى. سونىمەن قاتار تمد ەلدەرى پرەزيدەنتتەرىنىڭ كەزدەسۋىندە «2025 جىل جەڭىستىڭ 80 جىلدىعى جانە ناتسيزمگە قارسى كۇرەستەگى بىرلىك جىلى» دەپ جاريالانعانىن تىلگە تيەك ەتتى.
جيىندا بايانداما جاساعان مينيستر ايدا بالاەۆا پرەزيدەنتتىڭ تاپسىرماسىنا سايكەس, ۆەدومستۆو ارنايى جوبانى دايىنداۋدى باستاعانىن ءمالىم ەتتى. ونىڭ ايتۋىنشا, بۇل قۇجاتتا مەملەكەتتىڭ يدەولوگيالىق جۇمىسىنداعى ماقسات-مىندەتتەر مەن باسىمدىقتار ايقىندالادى. سونداي-اق مينيسترلىك تاراپىنان ۆەدومستۆولىق ماراپاتتاردى تاپسىرۋ جۇيەسىن رەتتەۋ جانە ماراپاتتالعاندار ءتىزىمىن جۇرگىزۋ بويىنشا جۇمىستار جۇرگىزىلىپ جاتقانى ايتىلدى. پارلامەنت قاراۋىنا ونوماستيكا سالاسى مەن قايىرىمدىلىق قاراجاتتارىن جيناۋدىڭ اشىقتىعىنا باعىتتالعان زاڭ جوبالارىنىڭ توپتاماسى ۇسىنىلعانى ءسوز بولدى.
ا.بالاەۆانىڭ ايتۋىنشا, كينويندۋستريانى مەملەكەتتىك قارجىلاندىرۋدىڭ اشىقتىعىن ارتتىرۋعا باعىتتالعان «ە-كينو» بىرىڭعاي مونيتورينگ جۇيەسى ازىرلەنگەن. سونىمەن قاتار ەلدەگى مۋزەيلەردىڭ ۆيرتۋالدى جەلىسى – «ە-Museum» ۆەب-پورتالى تانىستىرىلادى.
بيىل جەڭىستىڭ 80 جىلدىعىن مەرەكەلەۋدىڭ ۇلتتىق باعدارلاماسى اياسىندا جىل بويى ەلىمىزدىڭ بارلىق وڭىرىندە 2 مىڭعا جۋىق ءىس-شارا وتكىزۋ جوسپارلانىپ وتىر. جەڭىس كۇنى مەن وتان قورعاۋشى كۇنىنە ارنالعان سالتاناتتى كونتسەرت ۇيىمداستىرىلادى. «قازاق ەلى» مونۋمەنتى الاڭىندا اسكەري پاراد ءوتىپ, ول ەلىمىزدىڭ بارلىق ءىرى تەلەارناسىنان تىكەلەي ەفيردە كورسەتىلەدى.
«باتىرلارعا تاعزىم» پورتالىنىڭ قىزمەتى كەڭەيتىلدى. 27 ناۋرىزدان باستاپ «Qazaqstan» تەلەارناسىندا «ەرجۇرەك ەسىمدەر» جوباسى ىسكە قوسىلدى. اتالعان جوبا اياسىندا ارنا ەفيرىنەن سوعىس باتىرلارى جايىندا 80 بەينەروليك كورسەتىلەدى», دەدى ا.بالاەۆا
سونىمەن قاتار «قازاقفيلم» كينوستۋدياسى وڭىرلىك كينوتەاترلاردا كورسەتىلەتىن 19 ۇلتتىق فيلمنەن تۇراتىن ارنايى توپتاما ازىرلەدى.
