اتاپ ايتقاندا, 2025 جىلى 7 ساۋىردەن باستاپ اگەنتتىك قىزمەتكەرلەرى ەلىمىزدىڭ جوعارى وقۋ ورىندارى مەن كوللەدجدەرىندە عىلىمي-وقىتۋشىلىق قۇراممەن بىرلەسىپ جاستار اراسىندا قارجىلىق قاۋىپسىزدىكتى ارتتىرۋ ماقساتىندا دارىستەر وتكىزۋدە.
ايتا كەتۋ كەرەك, ۋنيۆەرسيتەت وقىتۋشىلارى اگەنتتىك قابىرعاسىندا الدىن الا ارنايى دايىندىقتان وتكەن بولاتىن.
ءىس-شاراعا قالا, وبلىس اكىمدەرى جانە باسقا دا تانىمال تۇلعالار بەلسەنە قاتىستى.
بۇگىنگى كۇنگە دەيىن 200-دەن استام وقۋ ورنىندا دارىستەر وتكىزىلىپ, 100 مىڭنان اسا تىڭداۋشى جينالدى.
ستۋدەنتتەرگە قارجى پيراميدالاردى قالاي انىقتاۋعا بولاتىنىن, دروپپەر دەگەنىمىز نە, وعان قالاي تارتىلاتىنى جانە بۇعان بايلانىستى قانداي جاۋاپكەرشىلىك بار ەكەندىگى ءتۇسىندىرىلدى.
ەسكە سالا كەتەيىك, 20 ناۋرىز بەن 18 ءساۋىر ارالىعىندا قارجىلىق قاۋىپسىزدىك جونىندەگى ۇلتتىق وليمپياداعا تىركەلۋ جۇرگىزىلۋدە.
وليمپياداعا «قۇقىقتانۋ», «ەكونوميكا», «حالىقارالىق قاتىناستار», «اقپاراتتىق قاۋىپسىزدىك» ءبىلىم بەرۋ باعدارلامالارى بويىنشا 2-3 كۋرس ستۋدەنتتەرى مەن 1 كۋرس ماگيسترانتتارى قاتىسا الادى.
وليمپيادانىڭ ماقساتى – جاستاردىڭ قارجىلىق-قۇقىقتىق ساۋاتتىلىعىن ارتتىرۋ, قارجىلىق قاۋىپسىزدىك سالاسىنداعى قازىرگى ترەندتەردى كورسەتۋ جانە وسى سالاداعى قاۋىپتەر مەن تاۋەكەلدەرگە قارسى تۇرۋدى ۇيرەتۋ.
وليمپيادا جەڭىمپازدارى بيىل قىركۇيەك ايىندا رەسەي فەدەراتسياسىنىڭ كراسنويارسك قالاسىندا وتەتىن حالىقارالىق قارجىلىق قاۋىپسىزدىك وليمپياداسىندا ەلىمىزدى تانىستىراتىن بولادى.
