وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ساۋلە سادۋاقاسوۆانىڭ مالىمدەۋىنە قاراعاندا, جىل باسىنان بەرى ورتالىقتاندىرىلعان سۋ كوزدەرىنەن 1356 سۋ سىناماسى الىنعان. ونىڭ 74-ءى ميكروبيولوگيالىق, ال, 178-ءى سانيتارلىق-حيميالىق تالاپتارعا ساي كەلمەگەن.
«ەڭ جوعارى سايكەسسىزدىك كورسەتكىشتەرى استراحان, ارشالى, جارقايىڭ اۋداندارىندا جانە كوكشەتاۋ قالاسىندا تىركەلدى. بۇل جەرلەردە سانيتارلىق-حيميالىق كورسەتكىشتەر بويىنشا سايكەسسىزدىكتەردىڭ ۇلەس سالماعى 85,4 پايىزدى قۇراپ وتىر», دەيءدى ول.
قازىر سۋ ساپاسىنا ەرەكشە كوڭىل بولىنۋدە. 20 ناۋرىزدان باستاپ قالا بويىنشا 27 سۋ سىناماسى زەرتتەلىپ, ونىڭ 15-ءى سانيتارلىق-حيميالىق كورسەتكىشتەر بويىنشا تالاپقا ساي بولماعان. كراسنويار كەنتىندە سۋدىڭ ءيىس, ءدام, ءتۇس جانە لايلىلىق كورسەتكىشتەرى بويىنشا نورمادان اسقان جاعدايلارى انىقتالعان. وسىعان بايلانىستى كوكشەتاۋ قالاسى مەن اتالعان كەنتتە تازا سۋ قويمالارىنا گيپەرحلورلاۋ جۇرگىزىلدى.
بارلىق ءتيىستى ۆەدومستۆولار سۋ تاسقىنى كەزەڭىندەگى قاۋىپ-قاتەردى ازايتىپ, حالىق پەن ينفراقۇرىلىم نىساندارىنىڭ قاۋىپسىزدىگىن قامتاماسىز ەتۋ ءۇشىن كۇشەيتىلگەن رەجيمدە جۇمىس ىستەۋدە.
