فوتو: اشىق دەرەككوز
بۇدان بولەك, 2023 جىلدىڭ باسىندا ەلدە 200-دەن استام جاڭا ءدىني نىساننىڭ قۇرىلىسى ءجۇرىپ جاتقانى بەلگىلى بولعان. جەرگىلىكتى اكىمدىكتەر مەن ءوزىن-ءوزى باسقارۋ ورگاندارىنا مۇنداي قۇرىلىستارعا قاتىستى كومەك سۇراعان وتىنىشتەر كۇن سايىن ءتۇسىپ جاتىر.
الايدا بيلىك وكىلدەرى بۇل نىسانداردىڭ حالىقتىڭ ناقتى ءدىني قاجەتتىلىگىنە ساي سالىنىپ جاتپاعانىن العا تارتقان. كەيبىر ەلدىمەكەندەردە ونعا جۋىق مەشىت نەمەسە وزگە دە ءدىني عيماراتتار ءبىر-بىرىنە تىم جاقىن ورنالاسقان.
وسىعان بايلانىستى قىرعىزستان مينيسترلەر كابينەتى ءدىني نىسانداردى سالۋ بارىسىندا ناقتى اراقاشىقتىق ستاندارتتارىن ۇسىندى.
جاڭا تالاپتارعا ساي:
- اۋىلدىق جەرلەردە ءدىني عيماراتتار اراسىنداعى قاشىقتىق كەمىندە 2 كم بولۋى ءتيىس;
- اۋداندىق دەڭگەيدە — 3 كم;
- قالالاردا — 4 كم-دەن جاقىن بولماۋى كەرەك.
بۇل وزگەرىستەر ءدىني ينفراقۇرىلىمدى رەتكە كەلتىرۋ جانە بىرقاتار الەۋمەتتىك شيەلەنىستەردىڭ الدىن الۋ ماقساتىندا قولعا الىنعان.
ايتا كەتەيىك, بۇعان دەيىن قىرعىزستان پرەزيدەنتى سادىر جاپاروۆ ايەلدەردىڭ تۇمشالانىپ كيىنۋىنە تىيىم سالاتىن جارلىققا قول قويعان ەدى.
