فوتو: pavon.kz
ەرتىس وزەنى ارقىلى وتەتىن اۆتوكولىك كوپىرىندە جوندەۋ جۇمىستارىنىڭ جۇرگىزىلۋىنە بايلانىستى 11 ساۋىرگە دەيىن جەڭىل اۆتوكولىكتەر ءۇشىن قوزعالىس شەكتەلدى.
«پاۆلودار - استانا» اۆتوكولىك جولىنىڭ ماڭىزدى بولىگى - ەرتىس وزەنىنەن وتەتىن كوپىر ۇستىندەگى جول جابىنىن جوندەۋگە بايلانىستى 8 ساۋىردەن باستاپ كوپىردە جەڭىل كولىكتەرگە ۋاقىتشا شەكتەۋ قويىلدى. 11 ساۋىرگە دەيىن كوپىر ۇستىندە رەۆەرسيۆتى قوزعالىس كۇشىندە بولادى. ال قوعامدىق كولىك بۇرىنعى تارتىپپەن قاتىناي بەرەدى. جەڭىل اۆتوكولىكتەر ءۇشىن قوزعالىس كەنجەكول اۋىلى جاعىنان اشىق بولادى. كەلتىرىلگەن قولايسىزدىقتار ءۇشىن كەشىرىم سۇرايمىز جانە جول ءجۇرۋ باعىتىڭىزدى الدىن الا جوسپارلاۋىڭىزدى سۇرايمىز», دەپ حابارلادى «قازاۆتوجول» اق-نىڭ وڭىرلىك فيليالىنان.
اتالعان ەسكى كوپىردىڭ پايدا بولعانىنا 60 جىلدان استام ۋاقىت وتكەن. وتكەن جىلدان باستاپ جاڭا كوپىردىڭ قۇرىلىسى قولعا الىنىپ, ول ەسكى كوپىردىڭ ءدال جانىنان تۇرعىزىلا باستادى. قۇرىلىستىڭ قۇنى - شامامەن 79 ملرد تەڭگە.
