فوتو: freepik.com
بۇگىندە ەلىمىزدەگى 1100 مەكتەپتە STEM-زەرتحانالار بازاسىندا اشىلعان درونداردى باسقارۋ ۇيىرمەلەرىندە وقۋشىلار درونداردى قۇراستىرۋ-باعدارلامالاۋ داعدىلارىن مەڭگەرىپ, تەحنيكالىق ويلاۋ قابىلەتىن, ينجەنەرلىك ماشىقتارىن, پراكتيكالىق داعدىلارىن دامىتادى. ۇيىرمە وقۋشىلارى روبوتوتەحنيكا بويىنشا جارىستارعا بەلسەنە قاتىسىپ ءجۇر. جۋىردا ۇلتتىق Aspan Drone Competition ءتۋرنيرىنىڭ جەڭىمپازدارى قازاقستان نامىسىن حالىقارالىق دەڭگەيدە قورعايتىن بولادى.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە, سونىمەن قاتار ەلىمىز بويىنشا جۇمىس ىستەپ تۇرعان 24 جاس تەحنيكتەر ستانتسياسى مەن تەحنيكالىق شىعارماشىلىق ورتالىقتارىندا بالالاردىڭ ينجەنەرلىك جانە ونەرتاپقىشتىق قابىلەتتەرىن دامىتۋعا باعىتتالعان جۇيەلى جۇمىستار جۇرگىزىلىپ جاتىر.
ال بيىل تەحنيكالىق جانە كاسىپتىك ءبىلىم بەرۋ ۇيىمدارىندا سۇرانىسقا يە جاڭا ماماندىق – درون وپەراتورى بويىنشا مامانداردى دايارلاۋ ءىسى باستالادى.
