كاسىپورىن ديرەكتورى كونستانتين كارگەردىڭ ايتۋىنا قاراعاندا بىلتىرعى سۋ تاسقىنىنىڭ كەسىرىنەن قۇرىلىس جۇمىستارى سايابىرسىپ قالعان. ويتكەنى, قۇرىلىس الاڭىنا سۋ كىرگەندىكتەن جۇمىس توقىراعان. الايدا بيىل قۇرىلىس قارقىندى جۇرگىزىلىپ جاتىر.
«وسى جىلدىڭ اياعىندا العاشقى ونىمدەرىمىزدى شىعارا باستايمىز. قازىردىڭ وزىندە «قارمەت» كومپانياسىنان 450 توننا جۇك كوتەرەتىن كوپىرلى كراندارعا تاپسىرىس ءتۇستى», دەيدى ول.
زاۋىت تولىق قۋاتىنا ەنگەندە 300 ادامعا جۇمىس ورىنى اشىلادى. قۇرىلىس الاڭى 13,5 مىڭ شارشى مەتر اۋماقتى قامتىعان. بارلىق تەحنولوگيا گەرمانيادان اكەلىنگەن. بۇل زاۋىت قازاقستاندا عانا ەمەس بارلىق تمد اۋماعىندا بىرەگەي كاسىپورىن بولماق. وندا كرانداردىڭ بىرنەشە ءتۇرى شىعارىلاتىن بولادى.
