جيھانكەز قوڭىرات-حيۋا-ۇرگەنىش-سامارقاند-تاشكەنت-تۇركىستان-تاراز-بىشكەك-الماتى-اشحاباد قالالارىن ارالاپ, 4 500 شاقىرىمدى ءجۇرىپ وتپەك.
«اقتاۋ قالاسى كۇللى تۇركى الەمىنىڭ مادەني استاناسى اتانىپ جاتىر. سوعان وراي, پاريجدەگى ساپارىم سەكىلدى تۇركى ەلدەرىنىڭ ىنتىماقتاستىعىن, بىرلىگىن كورسەتۋ ماقساتىندا جولعا شىقتىم. تۇركى مەملەكەتتەرىنىڭ بىرلىگى بەكەم بولعاي, اق جول تىلەگەن حالىققا العىسىم شەكسىز!», دەدى جيھانكەز راببيم بوراشەۆ.
راببيم بوراشەۆ - بۇعان دەيىن بىرقاتار ەۋروپا ەلدەرىن ۆەلوسيپەدپەن ارالاپ, مىڭداعان شاقىرىمداردى ارتتا قالدىرعان كانىگى ساياحاتشى.
ۆەلوشاباندوزدى ءوڭىر تۇرعىندارى تەڭىز جاعالاۋىندا سالتاناتتى تۇردە شىعارىپ سالدى. ءىس-شاراعا بەينەۋ اۋدانىنىڭ اكىمى راحىمجان شالباەۆ قاتىسىپ, ءساتتى ساپار تىلەدى.
«حالىقارالىق ءىس-شارا اياسىندا باستالعان راببيم بوراشەۆتىڭ ساپارى ءساتتى بولسىن! وبلىسىمىزعا قوناق بولىپ كەلگەن تۇركى ەلدەرىنىڭ قۇرمەتتىلەرى اعامىزعا قول-ۇشىن سوزىپ, كومەكتەسىپ وتىرسا دەيمىز. امان-ەسەن ەلگە ورالۋىڭىزعا تىلەكتەسپىز!», دەدى راحىمجان شالباەۆ.
