وبلىس قۇرىلعالى بەرى وڭىرگە 28 ءورت ءسوندىرۋ تەحنيكاسى مەن 24 ينجەنەرلى تەحنيكا بەرىلگەن. بۇل جولعى سالتاناتتى جيىندا قۇتقارۋ قىزمەتىنىڭ قاجەتتىلىكتەرىنە ارنالعان 23 تەحنيكانىڭ كىلتى جۇرگىزۋشىلەرگە تاپسىرىلدى. ولاردىڭ قاتارىندا جوعارى ءوتىمدى جۇك كولىكتەرى, ارنايى قۇتقارۋ ماشينالارى مەن «ترەكول» كولىگى بار.
سالتاناتتى راسىمدە ءسوز سويلەگەن وبلىس اكىمى بەرىك ءۋالي توتەنشە جاعدايلار مينيسترلىگىنە العىس ءبىلدىرىپ, جاڭا تەحنيكالاردىڭ كەلۋى – ايماق حالقىنىڭ قاۋىپسىزدىگىنە جاسالعان ماڭىزدى قادام ەكەنىن جەتكىزدى.
ء«بىزدىڭ ايماق – ورماندى-دالالى, ءورت قاۋپى جوعارى ءوڭىر. سوندىقتان بۇل سالادا ەڭبەك ەتىپ جۇرگەن ازاماتتارعا ارتىلار جۇك تە, سەنىم دە مول. ولار انتىنا ادال, سەرتىنە بەرىك, ەلدىڭ اماندىعىن بارىنەن جوعارى قوياتىن ازاماتتار. سول ەر جۇرەك ماماندارعا دا شىنايى العىسىمدى بىلدىرەمىن. سونداي-اق, وقىس جاعدايلارعا ۇنەمى دايىن بولۋ ماقساتىندا, قاجەتتى قاۋىپسىزدىك تەحنيكالارى كەزەڭ-كەزەڭىمەن تولىقتىرۋ تۇراقتى نازاردا بولاتىنىن دا باسا ايتقىم كەلەدى», دەدى ايماق باسشىسى.
كولىك كىلتىن تاپسىرۋ راسىمىندە ءسوز العان توتەنشە جاعدايلار ءمينيسترى شىڭعىس ءارىنوۆ جاڭا تەحنيكانىڭ قۇتقارۋشىلار جۇمىسىنا ۇلكەن سەرپىن بەرەتىنىنە سەنىم ءبىلدىردى. ءىس-شارا سوڭىندا وبلىس اكىمى توتەنشە جاعدايلار مينيسترىمەن بىرگە قۇتقارۋشىلار اللەياسىنا شىرشا كوشەتتەرىن وتىرعىزدى.
اباي وبلىسى
