جامبىل وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى قۇقىق بۇزۋشىلىقتىڭ 40 دەرەگىن انىقتاعان.
دەپارتامەنتتىڭ ءباسپاسوز قىزمەتى كەلتىرگەن دەرەككە سەنسەك, قازىرگى كەزگە دەيىن 4 قىلمىس ناقتى انىقتالىپ وتىر. اينالىمنان الىنعان زاتتاردى نەمەسە اينالىسى شەكتەلگەن زاتتاردى كونتراباندالىق جولمەن وتكىزۋدىڭ 2 دەرەگى تىركەلسە, قۇرامىندا ەسىرتكى زاتتارى بار وسىمدىكتى زاڭسىز وسىرگەن 1 ادام انىقتالعان. سونداي-اق پسيحوتروپتىق زاتتارمەن جۇمىس ىستەۋ ەرەجەسىن بۇزۋدىڭ ءبىر دەرەگى بەلگىلى بولعان.
«سونىمەن قاتار 9 قىلمىستىق تەرىس قىلىق, 27 اكىمشىلىك قۇقىق بۇزۋشىلىق دەرەگى تىركەلدى. ولاردىڭ ىشىندە تەحنيكالىق نىعايتۋ تالاپتارىن بۇزۋدىڭ 20 دەرەگى, فارماتسەۆتيكالىق قىزمەت ەرەجەلەرىن بۇزۋدىڭ 5, ليتسەنزيالاۋ شارتتارىن بۇزۋدىڭ 2 فاكتىسى بار. 33 مىڭ 412 توننا 30 كەلى ءتۇرلى پرەكۋرسورلاردىڭ, سونداي-اق 4 469 ءتۇرلى ەسىرتكى جانە پسيحوتروپتىق پرەپاراتتاردىڭ اينالىمى شەكتەلدى», دەلىنگەن دەپارتامەنتتىڭ ءباسپاسوز قىزمەتى كەلتىرگەن مالىمەتتە.
جامبىل وبلىسى
