ولار سۇيىكتى سپورتشىلارىن قولداپ قويماي, تريبۋنالارداعى قوقىستى جيناپ, ارەنانى تازا قالدىرۋ مىندەتىن دە قولعا الدى.
مۇنداي يگى باستامالار استانادا بارعان سايىن تانىمال بولا تۇسۋدە. ەلوردا تۇرعىندارى مەن قوناقتارى «تازا قازاقستان» اۋقىمدى ەكواكتسياسىن بەلسەندى تۇردە قولدايدى. ەلوردادا جانكۇيەرلەردىڭ جاڭا مادەنيەتى, سول سياقتى سۇيىكتى سپورتشىلاردىڭ قولداۋى تازالىقپەن جانە تارتىپپەن ۇيلەسىپ جاتادى.
«كەرەمەت كەشتەن كەيىن ەموتسيامىز تاسىپ تۇرعان شاققا قاراماستان كەلەڭسىز جاعدايدى نازاردان تىس قالدىرا المادىق. وسىنداي يگى ىسكە ءوز ۇلەسىمدى قوسقانىمدى ماقتان تۇتامىن جانە بۇل ءىس جانكۇيەرلەر مادەنيەتىن نىعايتادى دەپ سەنەمىن. تازالىق پەن ءتارتىپ تەك سپورتقا عانا ەمەس, قالامىزعا جانە ءبىر-بىرىمىزگە دەگەن قۇرمەت», - دەپ اتاپ ءوتتى جانكۇيەرلەردىڭ ءبىرى.
ەسكە سالايىق, ەلوردادا بوكس كەشى ءوتتى. ونىڭ باستى جەكپە-جەگىندە WBO جانە IBF تۇجىرىمدارى بويىنشا ورتا سالماقتاعى الەم چەمپيونى اتاعى ءۇشىن قازاقستاندىق جانىبەك ءالىمحان ۇلى مەن فرانتسۋز اناۋەل نگاميسسەنگۋە كۇش سىناستى. سونىمەن قاتار, بوكس كەشىندە قازاقتىڭ بەلگىلى بوكسشىلارى سۇلتان زاۋىربەك, باتىر جۇكەمباەۆ, ماحمۇد سابىرحان, تورەحان سابىرحان, اقنيەت ءالىمباي جانە بالاۋسا مۇزديمان شارشى الاڭع
ا شىقتى.
