7385 ءنومىرلى زەڭبىرەك 1944 جىلى اقپان ايىندا جاسالعان. سول جىلدىڭ تامىزىندا اعا لەيتەنانت ماحمەت قايىرباەۆ باسقارعان 5-باتارەياعا بەرىلەدى. قايىرباەۆ باستاعان زەڭبىرەكشىلەر قولىنا ستارشينا گورشكوۆتىڭ ەسەبىنەن تاپسىرىلعان. سوعىس قۇرالى ەكىنشى دۇنيەجۇزىلىك سوعىستا 2200 شاقىرىمنان استام جەر ءجۇرىپ, جاۋ سناريادتارىنىڭ اسەرىنەن 10 رەت ىستەن شىققان. بىراق جوندەلگەن سوڭ قايتادان قاتارعا قوسىلىپ وتىرعان. جويقىن قارۋدان جاۋعا قارسى 1193 سنارياد اتىلىپ, 10-نان اسا تانك, 14 پۋلەمەت, 2 اۆتوكولىك, 8 ۆزۆود جانە 3 باقىلاۋ پۋنكتى قيراتىلعان.
– اكەم 1991 جىلى «كازاحستانسكايا پراۆدا» گازەتىنەن كەڭەس وداعىنىڭ باتىرى چەرنيكوۆسكيدىڭ ەسكەرتكىشى بۇزىلعانى تۋرالى ماقالا وقىپتى. سودان ليتۆا جەرىندەگى زەڭبىرەكتىڭ جايىنا الاڭداي باستادى. ىشكى ويىن ارىپتەستەرىنە جەتكىزىپ, وزىمەن ۇزەڭگىلەس ەل اعاسى قابيدەن جۇمابەكوۆكە دە ايتقان بولۋى كەرەك.قابيدەن اعامىز ءوزىنىڭ ۇلى, كاسىپكەر كەڭەسكە ءبىزدىڭ اكەمىزدىڭ زەڭبىرەگىن تۋعان جەرىنە الدىرۋدى ويلاستىرۋدى سۇرايدى. ءسويتىپ, وبلىستىق ارداگەرلەر كەڭەسىمەن اقىلداسىپ, ۇيىم اتىنان ليتۆاعا حات جازىلادى. العاش بارعاندا زەڭبىرەك جەكەنىڭ قولىنا ءوتىپ كەتكەنى ءمالىم بولدى. قالتالى ازاماتتىڭ ءبىرى ونى تەڭىز جاعالاۋىنا قويماقشى بولعان كورىنەدى. كەڭەس الگىنىڭ كوڭىلىن تاۋىپ, زەڭبىرەكتى قايتارىپ الدى. اۋىر قارۋ بولشەكتەلىپ, جۇك كولىگىمەن ەلىمىزگە جەتكىزىلدى, – دەپ ەسكە الادى باتىردىڭ ۇلى مۇرات قايىرباەۆ.
وتتى جىلدار بەلگىسىندەي بولعان باتىردىڭ زەڭبىرەگى بۇگىندە مۋزەي اۋلاسىندا تۇر.
پاۆلودار
