كوپتەن كۇتكەن قۋانىشقا مەكتەپ مۇعالىمدەرى, وقۋشىلار عانا ەمەس, اتا-انالار دا كەلدى.
ءبىلىم وشاعىنىڭ سالتاناتتى اشىلۋىنا وبلىس اكىمى داستان رىسپەكوۆ قاتىسىپ, قۇتتىقتادى.
مەكتەپ قوس قاباتتان تۇرادى. ءپان كابينەتتەرى بۇگىنگى زامان تالابىنا ساي قاجەتتى وقۋ قۇرالدارمەن جابدىقتالعان. ءبىلىم الۋشىلاردىڭ جان-جاقتى دامۋىنا ىقپال ەتەتىن زەرتحانا, كىتاپحانا, سپورت زالى بار.
كۇزدە جاڭا وقۋ جىلىنان باستاپ مەكتەپ ىشىندە 25 بالاعا ارنالعان شاعىن ورتالىق اشىلادى. وندا 3-6 جاستاعى بالعىندار ءبىلىم الادى.
جاڭا مەكتەپتىڭ اشىلعانىنا قۋانعان ۇستازدار شاكىرتتەرگە ساپالى ءبىلىم بەرۋدە مول مۇمكىندىك اشىلعانىن جەتكىزدى.
