ولجاس بەكتەنوۆ رف ۇكىمەتى توراعاسىنىڭ ورىنباسارىمەن كەزدەستى

مەملەكەت باسشىلارى دەڭگەيىندە قول جەتكىزىلگەن ۋاعدالاستىقتاردى ىسكە اسىرۋ بارىسىنا نازار اۋدارىلدى. قازاقستان پرەزيدەنتى قاسىم-جومارت توقاەۆ پەن رەسەي پرەزيدەنتى ۆلاديمير ءپۋتيننىڭ تۇراقتى بايلانىستارىنىڭ ناتيجەسىندە ەكىجاقتى ءوزارا ءىس-قيمىل دەڭگەيى جوعارى قارقىنمەن جالعاسىپ جاتىر. 2024 جىلدىڭ قورىتىندىسى بويىنشا ءوزارا تاۋار اينالىمىنىڭ كولەمى شامامەن 3%-عا ءوسىپ, $27,8 ملرد-تى قۇرادى. بۇل رەتتە ءارى قاراي ساۋدا-ەكونوميكالىق جانە ينۆەستيتسيالىق ىنتىماقتاستىق ءۇشىن ايتارلىقتاي الەۋەت بار.

كەزدەسۋگە قاتىسۋشىلار جاساندى ينتەللەكتىنى قولدانۋشىلاردىڭ قارقىندى ءوسىپ كەلە جاتقانىن ايتىپ, تسيفرلاندىرۋ سالاسىنداعى ەكىجاقتى ارىپتەستىك قاتىناستاردىڭ ماڭىزدىلىعىن اتاپ ءوتتى. جاڭا تەحنولوگيالاردى ەنگىزۋ ۇدەرىستەرىندە كۇش-جىگەردى بىرىكتىرۋ يننوۆاتسيالاردى دامىتۋعا, IT-كاسىپكەرلەر مەن ستارتاپ-جوبالاردى قولداۋ شارالارىن قالىپتاستىرۋعا, بىلىكتى مامانداردى دايارلاۋعا, اقپاراتتىق قاۋىپسىزدىك شارالارىن جەتىلدىرۋگە سەرپىن بەرەدى. بيىل استانادا Alem.ai حالىقارالىق جاساندى ينتەللەكت ورتالىعىنىڭ اشىلۋىمەن IT-ماماندارعا جاڭا مۇمكىندىكتەر پايدا بولادى.

جۇمىس ساپارى اياسىندا دميتري گريگورەنكو قازاقستاننىڭ جەتەكشى IT-الاڭدارىنىڭ, سونىڭ ىشىندە Astana Hub تەحنوپاركى جانە NU تەحنوپاركىنىڭ قىزمەتىمەن تانىسادى, وندا بۇگىندە 1600-دەن استام IT-كومپانيالار تىركەلگەن, ولاردىڭ 425-ىنە شەتەلدىكتەر قاتىسىپ جاتىر.