فوتو: PHILIP FONG
كورەيا پرەزيدەنتى 2024 جىلدىڭ 3 جەلتوقسانىندا ەل كولەمىندە اسكەري جاعداي جاريالاعان بولاتىن. بۇعان حالىق نارازىلىعىن ءبىلدىردى. ىزىنشە وڭتۇستىك كورەيا پارلامەنتى ءوزارا ۋاعدالاسىپ, ءىستى داۋىسقا سالىپ, التى ساعاتتان اسىپ جىعىلعان اسكەري رەجىمنىڭ كۇشىن جويدى.
مۇنان كەيىن ەل پرەزيدەنتىنە حالىق پەن ۇكىمەتتىڭ نارازىلىعى ارتا ءتۇستى. اقىرى وپپوزيتسيا يۋن سول ەلدىڭ وتستاۆكاعا كەتۋىن تالاپ ەتتى. بۇعان قوسا پرەزيدەنتكە يمپيچمەنت جاريالاناتىنى ايتىلدى. بۇل ونىڭ باسقا مەملەكەتتىك قىزمەت اتقارۋىن زاڭمەن شەكتەيتىن جازا.
ەندى وڭتۇستىك كورەيادا كەزەكتەن تىس پرەزيدەنتتىك سايلاۋ وتەدى. جاڭا مەملەكەت باسشىسى الپىس كۇن ىشىندە, ياعني 3 ماۋسىمعا دەيىن سايلانۋى ءتيىس. سول ۋاقىتقا دەيىن ەل پرەزيدەنتىنىڭ مىندەتىن پرەمەر-مينيستر حان دوك سۋ اتقارادى.
