اقپان ايىنان قولعا الىنعان ىلكىمدى جوبا اعاشتاردى زاڭسىز كەسۋ وقيعاسىن ازايتىپ, تابيعي رەسۋرستاردى باسقارۋدىڭ تيىمدىلىگىن ايتارلىقتاي ارتتىرادى. «بۋراباي» ۇلتتىق پاركى ورمان مەن وسىمدىكتەر الەمىن قورعاۋ, جانداندىرۋ جانە ءتيىمدى پايدالانۋ ءبولىمىنىڭ باسشىسى الەكساندر كوۆالەۆ يننوۆاتسيالىق جوبا ارقىلى تۇمسا تابيعاتتىڭ كوركى – جاسىل جەلەكتى ساقتاۋ كۇشەيەتىنىن العا تارتتى.
«ماقساتىمىز – اعاش كەسۋدى مۇمكىندىگىنشە اشىق ءارى باقىلاناتىنداي جۇيەگە ەنگىزۋ. بارلىق اقپارات, دەرەك-دايەك ەندى اعاشتىڭ قوزعالىسىن باسقارۋدى قامتاماسىز ەتەتىن اۆتوماتتاندىرىلعان بىرىڭعاي ورتالىققا جازىلادى. ء«بىر تال كەسسەڭ, ون تال ەك» دەگەن قاعيدا قاتاڭ قاداعالانادى. وتالعان ءار ءتۇپ اعاشتىڭ ورنىنا جاس كوشەتتەر ەگىلەدى. قاناتقاقتى جوبانىڭ ناتيجەسى دە كورىنەدى. الداعى ۋاقىتتا اعاش كەسۋدى باقىلاۋعا الىپ, زاڭسىزدىقتىڭ الدىن الۋعا مۇمكىندىك بەرەدى», دەدى ا.كوۆالەۆ.
يننوۆاتسيالىق قۇرىلعى «EKO-SET CODIMEX» دەپ اتالادى. جوعارى تەحنولوگيالىق قۇرالدار جيىنتىعىندا اعاشتى بەلگىلەۋگە ارنالعان بالعا, ءار اعاشتى تىركەۋگە قاجەت بيركا, تاڭبالانعان بيركالارعا ارنالعان جيناق, اقپاراتتى ەنگىزەتىن, سونداي-اق ونى وڭدەۋگە, ساقتاۋعا ارنالعان سەرۆەرلىك جابدىق پەن پلانشەت (قول سكانەرى) بار. بۇدان بىلاي ءار وتالعان اعاشتان QR كودى بار بىرەگەي بەلگى الىنادى. وسى كودتى سكانەردەن وتكىزۋ ارقىلى ورمان ينسپەكتورلارى اعاشتىڭ شىعۋ تەگىن, ساناتىن, كولەمىن, وتالعان كۇنىن, تاسىمالداۋ دەرەكتەرىنە قاتىستى اقپاراتتى دا بىردەن الادى. بارلىق اقپارات دەرەكقورعا جۇكتەلەتىندىكتەن, باقىلاۋ ءىسى دە ايتارلىقتاي جەڭىلدەي تۇسەدى.
جوبانى جۇزەگە اسىرۋ ءۇشىن ۇلتتىق پارك قىزمەتكەرلەرى «اعاشتى ەسەپكە الۋدىڭ بىرىڭعاي جۇيەسىمەن» جۇمىس ىستەۋدىڭ ارنايى كۋرسىن وقىدى. ورمانشىلار مەن ورمان شەبەرلەرى دەرەكتەردى ەنگىزۋ, وڭدەۋ, تالداۋ داعدىلارىن يگەردى. ونىڭ ناتيجەسىن ولار كۇندەلىكتى جۇمىس بارىسىندا تسيفرلىق تەحنولوگيالاردى ءتيىمدى پايدالانادى.
قاناتقاقتى جوبا ورمان شارۋاشىلىعىندا تسيفرلىق تەحنولوگيالاردى ەنگىزۋدىڭ باستاماسى سانالىپ وتىر. قورشاعان ورتانى قورعاۋ سەكتورىنا تسيفرلىق تەحنولوگيالاردى ەنگىزۋ تابيعي رەسۋرستاردى تۇراقتى باسقارۋدىڭ دا ماڭىزدى قادامى بولماق. «بۋراباي» ۇلتتىق پاركىندە جۇزەگە اسىرىلعان يننوۆاتسيالىق جوبا ورماندى القاپتى قورعاپ, ەكولوگيالىق شارۋاشىلىقتى ورىستەۋگە تىڭ سەرپىن بەرمەك.
