فرتولار: اقوردا
كەزدەسۋدە ەكونوميكانىڭ ءتۇرلى سەكتورىنداعى, تسيفرلاندىرۋ جانە يننوۆاتسيا سالالارىنداعى قازاقستان مەن ەو ىنتىماقتاستىعىن دامىتۋ پەرسپەكتيۆاسى تالقىلاندى.
تاراپتار قازاقستان مەن ەۋروپالىق كوميسسيا اراسىندا ۆيزا بەرۋ ءتارتىبىن جەڭىلدەتۋ جونىندەگى كەلىسىمگە كەلۋ ۇدەرىسى باستالعانىن وڭ باعالادى.
قاسىم-جومارت توقاەۆ كەڭەيتىلگەن سەرىكتەستىك جانە ىنتىماقتاستىق جونىندەگى كەلىسىم قازاقستان مەن ەۋروپا وداعىنىڭ ىقپالداستىعىنا نەگىز بولىپ وتىرعانىن جەتكىزىپ, قارىم-قاتىناستى ودان ءارى تەرەڭدەتەتىن ءتورت باسىم باعىتتى اتادى, ولار: ەنەرگەتيكا, ينفراقۇرىلىم جانە ونەركاسىپ جوبالارى, كولىك-لوگيستيكا جەلىلەرىن كەڭەيتۋ, تسيفرلىق يننوۆاتسيا, وزىق تەحنولوگيالار مەن جاساندى ينتەللەكت.
ۋرسۋلا فون دەر ليايەن كولىك-لوگيستيكا سالاسىنداعى, سونىڭ ىشىندە ترانسكاسپي حالىقارالىق كولىك ءدالىزى سەكىلدى جوبالاردى ىسكە اسىرۋدىڭ ماڭىزىنا توقتالدى. ول قاسىم-جومارت توقاەۆتى قازاقستاندا سيرەك كەزدەسەتىن مەتالداردىڭ ءىرى كەن ورنىنىڭ تابىلۋىمەن قۇتتىقتادى.
تاراپتار س5+ەو اياسىنداعى جۇمىستى جالعاستىرۋعا ۋاعدالاستى جانە وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
