فوتو: وكق
ورتالىقتىڭ اشىلۋ راسىمىنە قازاقستان مەن رەسەي عىلىم اكادەميالارىنىڭ اكادەميكتەرى, جەتەكشى عالىمدار, عىلىمي-زەرتتەۋ ينستيتۋتتارىنىڭ باسشىلارى, سونداي-اق اگرارلىق بيزنەس وكىلدەرى قاتىستى.
وزىق تەحنولوگيالار ورتالىعى – ەكى ەلدىڭ جەتەكشى عىلىمي مەكەمەلەرىمەن تىعىز ىنتىماقتاستىقتا جۇمىس ىستەپ, تاجىريبە الماسۋ, يننوۆاتسيالىق شەشىمدەر ازىرلەۋ, سالاعا جوعارى تەحنولوگيالىق تاسىلدەردى ەنگىزۋ ءۇشىن بىرەگەي الاڭعا اينالادى.
اۋىل شارۋاشىلىعى مينيسترلىگىنىڭ ءباسپاسوز قىزمەتىنىڭ مالىمدەۋىنشە, ورتالىقتىڭ باستى ماقساتى – ەكى ەل عالىمدارىنىڭ بىرلەسكەن زەرتتەۋلەرىن جۇزەگە اسىرۋ جانە يننوۆاتسيالىق جوبالاردى دامىتۋ. اتاپ ايتقاندا:
- اۋىل شارۋاشىلىعى داقىلدارىنىڭ گەنومدىق سەلەكتسياسى بويىنشا عىلىمي زەرتتەۋلەر جۇرگىزۋ;
- اوك-دەگى تسيفرلىق تەحنولوگيالاردى دامىتۋ جانە اۋىل شارۋاشىلىعىنىڭ تيىمدىلىگىن ارتتىرۋعا ارنالعان يننوۆاتسيالىق شەشىمدەردى ەنگىزۋ;
- تۇراقتى اگروتەحنولوگيالاردى ەنگىزۋ, سونىڭ ىشىندە كومىرتەك جانە كومىرتەكتى ۇنەمدەيتىن ەگىنشىلىك تەحنولوگيالارىن دامىتۋ ارقىلى ەكولوگيالىق قاۋىپسىزدىك پەن اۋىل شارۋاشىلىعى ءوندىرىسىنىڭ تۇراقتىلىعىن ارتتىرۋ;
- اۋىل شارۋاشىلىعى ونىمدەرىن قايتا وڭدەۋ تەحنولوگيالارىن ازىرلەۋ, جوعارى قوسىلعان قۇنى بار جاڭا ءونىم تۇرلەرىن جاساۋ.
