تەحنيكالىق ماماندارعا سۇرانىس ازايمايدى

الداعى جىلدارى وب­لىس­تا ارنايى تەحنيكا­نىڭ جۇر­گىزۋشىلەرى, دانەكەر­لەۋشىلەر, قۇرىلىس ماماندىقتارىنىڭ جۇمىسشىلارى مەن تەحنيكالىق با­عىت­تاعى ماماندارعا سۇرانىس ارتادى دەگەن بولجام بار.

– ولاردىڭ 75%-دان استامى, ياعني شامامەن 48,4 مىڭ ادام كاسىپتىك-تەحنيكالىق ءبىلىم العان ماماندار. الداعى ءۇش جىلدا جۇمىس كۇشىنە سۇرانىس جىل سايىن 10-11%-عا وسەدى دەپ كۇتىلىپ وتىر, – دەيدى وڭىرلىك جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى الميرا ديسيۋپوۆا.

قازىر وبلىستا جاڭا جۇمىس ورىندارىن قۇرۋعا ەرەكشە نازار اۋدارىلىپ وتىر. جىل باسىنان مەملەكەتتىك باعدارلامالار مەن جەكە باستامالار اياسىندا 4 156 جۇمىس ورنى قۇرىلعان. تۇراقتى جۇمىس ورىندارى ءبىلىم بەرۋ (10,7%), اۋىل شارۋا­شىلىعى (9%), دەنساۋلىق ساقتاۋ (8%), ونەركاسىپ (7%) سالالارىندا كوپ. جالپى جەرگىلىكتى جۇمىسپەن قامتۋ ورىندارى بيىل 26,7 مىڭ ادامدى جۇ­مىس­قا ورنالاستىرۋدى جوس­پارلاپ وتىر. ونىڭ ىشىندە 18,3 مىڭ ادام تۇراقتى جۇمىس ورىندارىنا, 8,4 مىڭ ادام ۋاقىتشا جۇمىس ورىندارىنا ورنالاسادى.

– ەڭ كوپ سۇرانىس ونەركاسىپ, كولىك جانە قويمالاۋ, قىزمەت كورسەتۋ, ءبىلىم بەرۋ, دەنساۋلىق ساقتاۋ سالالارىنا بولادى. ءبىر عانا ونەركاسىپ سالاسى الداعى بەس جىلدا 11 مىڭنان استام تەحنيكالىق ماماندى قا­جەت ەتەدى. سوندىقتان ال­داعى ۋاقىتتا ءبىلىم بەرۋ ۇيىم­دارىنا تاپسىرىستى ۇلعايتۋ, مامانداردى قايتا دايارلاۋ, جۇمىسسىز ازاماتتاردى وقىتۋ تاسىلدەرى جۇيەلەنە بەرەدى. بۇل ءوڭىردىڭ ۇزاقمەرزىمدى ەكونوميكالىق دامۋىنا بارىنشا ىقپال ەتەتىن ماڭىزدى فاكتور. اتالعان ءىس-شارالاردىڭ جۇزەگە اسۋى ايماق حالقىنىڭ تابىسىن ارتتىرۋعا, كاسىپكەرلىك بەلسەندىلىكتى جانداندىرۋعا, الەۋمەتتىك ءال-اۋقاتتى جاقسار­تۋعا وڭ اسەرىن تيگىزەدى, – دەيدى ا.ديسيۋپوۆا.

جۇمىسسىز ازاماتتاردى وقىتۋ – كادر قاجەتتىلىگىن جابۋدىڭ ماڭىز­دى قادامدا­رىنىڭ ءبىرى. بيىل قىس­قامەرزىمدى كاسىبي وقىتۋ كۋرس­تارى­مەن 425 ادامدى قامتۋ جوسپارلانسا, ولاردىڭ 360-ى ءبىلىم بەرۋ ۇيىمدارىندا, ال 65-ءى جۇمىس ورنىندا جۇمىس بەرۋشىلەرمەن وقىتىلماق. بۇگىندە جۇمىس بەرۋ­شىلەردەن ءوتىنىش قا­بىل­دانىپ جاتىر. Skills Enbek پلاتفورماسىندا ونلاين وقىتۋ ارقىلى 2 000 جۇمىسسىز ازاماتتى قامتۋ ويدا بار. وقۋ اياقتالعاننان كەيىن ولار سايكەس سەرتيفيكاتتار الادى. جالپى اتالعان پلاتفورمادا 858 كۋرس قولجەتىمدى, ونىڭ ىشىندە 311-ءى تەگىن. ەڭبەك مينيسترلىگىنىڭ مالىمەتتەرىنە سۇيەنسەك, بيىل VR, AR تەحنولوگيا­لارىن قولداناتىن جاڭا كۋرستار دا قولجەتىمدى بولادى. ۆيرتۋالدى شىندىق (VR), تولىقتىرىلعان شىندىق (AR) ءبىلىم بەرۋ ورتاسىن ايتارلىقتاي جاقسارتۋعا كومەكتەسەدى.

– جۇمىسپەن قامتۋعا جار­دەم­دەسۋدىڭ تاعى ءبىر باعىتى – الەۋ­مەت­تىك وسال توپتارعا قاتىستى ازامات­تاردىڭ كا­سىپكەرلىك باستامالارىن قول­داۋ ماقساتىندا 400 ايلىق ەسەپتىك كورسەتكىش كولەمىندە مەملەكەتتىك گرانتتار بەرۋ. جىل سوڭىنا دەيىن وسىنداي 406 گرانت بەرۋ جوسپاردا بار. ەكىنشىدەن, بوس جۇمىس ورىندارىنىڭ جارمەڭكەلەرى دە جالعاسادى. مانساپ ورتالىقتارى جىل باسىنان 25 جۇمىس جارمەڭكەسىن وتكىزىپ, وعان 975 ادام قاتىسقان. ناتيجەسىندە, جۇمىس ىزدەگەن ازاماتتاردىڭ 142-ءسى جۇمىسقا ورنالاس­تى, – دەيدى باسقارما باسشىسى.

پاۆلودار وبلىسى