فوتو: جوعارعى سوت
جشس 2014 جىلدان بەرى جەر تەلىمىن يەلەنىپ كەلگەن. 2023 جىلى جشس-عا جەر زاڭناماسىنىڭ بۇزىلۋىن جويۋ تۋرالى ۇيعارىم شىعارىلعان. ءبىر جىلدان كەيىن قايتالاپ جۇرگىزىلگەن تەكسەرىستە جەر تەلىمىنىڭ يگەرىلمەگەنى انىقتالعان.
ء«بىرىنشى ساتىداعى سوت اتىراۋ وبلىسىنىڭ جەر رەسۋرستارىن باسقارۋ جونىندەگى دەپارتامەنتتىڭ مەنشىك يەسىنەن ماقساتى بويىنشا پايدالانىلماي جاتقان جەر تەلىمىن ماجبۇرلەپ الىپ قويۋ تۋرالى تالاپ قويۋىن قاناعاتتاندىرعان. الايدا, اپەللياتسيا جشس-نىڭ ۇيعارىمدى ورىنداۋ (جوبالاۋ-قۇرىلىس جۇمىستارىن جۇرگىزۋگە شارت جاساۋ جانە ساۋلەت-جوسپارلاۋ تاپسىرماسىن كەلىسۋ) بويىنشا شارالار قابىلداعانىن العا تارتىپ, بۇل شەشىمنىڭ كۇشىن جويعان. بىراق بۇل شارالار جەر تەلىمىن يگەرۋدىڭ باستاپقى بولىگى بولىپ تابىلادى», دەلىنگەن حابارلامادا.
ايتا كەتەيىك, جەر كودەكسىنىڭ (جك) 94-بابىندا جەر ۋچاسكەسىن نىسانالى ماقساتى بويىنشا پايدالانۋ شارالارىن قابىلداۋ ءۇشىن ءبىر جىل مەرزىم كوزدەلگەنىن ەسكەرە وتىرىپ, بۇل شارالار ءىس جۇزىندە ۇيعارىم شىعارىلعانعا دەيىن قابىلدانۋى ءتيىس.
جوعارعى سوتتىڭ ازاماتتىق ىستەر جونىندەگى سوت القاسى ءىستى قاراي وتىرىپ, مىنالاردى كورسەتتى:
- ەگەر جوبالىق-سمەتالىق قۇجاتتامادا باسقا مەرزىم كوزدەلمەسە جانە ۋچاسكە جەكە تۇرعىن ءۇي قۇرىلىسىنا ارنالماعان بولسا, جەر ۋچاسكەسىن يگەرۋ ونى ءبولۋ تۋرالى شەشىم قابىلدانعان كۇننەن باستاپ 3 جىل ىشىندە جۇزەگە اسىرىلۋى ءتيىس;
- شارت جاساسۋ جانە قۇجاتتامانى بەكىتۋ ۋچاسكەنى ازىرلەنگەن دەپ تانۋ ءۇشىن جەتكىلىكتى نەگىز بولا المايدى;
- جەر ۋچاسكەسىندە ءىس جۇزىندە ونى يگەرۋ ءۇشىن قاندايدا ءبىر قۇرىلىس باستالماعان, بۇل جەر كودەكسىنىڭ 92-بابىنىڭ تالاپتارىنا قايشى كەلەدى.
ناتيجەسىندە جوعارعى سوت ماقساتى بويىنشا پايدالانىلماي جاتقان جەر ۋچاسكەسىن ماجبۇرلەپ الىپ قويۋ ءىسى بويىنشا ءبىرىنشى ساتىداعى سوتتىڭ شەشىمىن قالپىنا كەلتىردى.
