سۋرەت: 24.kz
جۇمىستى ۇلىتاۋ وبلىسى بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ قىزمەتكەرلەرى, «وحوتزووپروم ءوب» رمقك ينسپەكتورلىق قۇرامى, توتەنشە جاعداي دەپارتامەنتىنىڭ, جەزقازعان قالالىق اكىمدىگىنىڭ قىزمەتكەرلەرى بىرلەسكەن تۇردە اتقارىپ جاتىر. شاراعا التى ارنايى تەحنيكا جۇمىلدىرىلعان.
ناۋرىز ايىنىڭ سوڭعى كۇندەرى كەڭگىر سۋ قويماسى, جەزقازعان قالاسىنىڭ اۋماعىنان 20, وبلىس ورتالىعى ماڭىنداعى دالالىق جەرلەردەن 63, كەڭگىر سۋ قويماسىنىڭ سولتۇستىك-شىعىس بولىگىنەن «بالىقشىلار ءۇيى» ماڭىنا دەيىنگى اۋماقتاردان 110 باس كيىك ولەكسەسى كەڭگىر وكرۋگىنىڭ مال قورىمىنا اپارىلىپ, جويىلدى. كوميسسيا مۇشەلەرى ولەكسەلەردى جويۋ تۋرالى ءتيىستى اكت جاسادى. قىس ماۋسىمىندا ولگەن كيىك سۇيەكتەرىن جيناۋ جۇمىسى ءالى دە جالعاسادى.
ۇلىتاۋ وبلىسى
