فوتو: ۆيدەوسكرين
«جالپى يندەر اۋدانى بويىنشا 30 كم بوگەت سوعىلدى, قازىر 11 ەۆاكۋاتسيالىق پۋنكت دايىن تۇر. ايماق تۇرعىندارىنا سۋ تاسقىنى قاۋپىنە بايلانىستى ءۇي جانۋارلارىن قاۋىپسىز ايماققا شىعارۋ تۋرالى ەسكەرتۋ بەرىلدى», دەدى ر.يبراەموۆ.
سونىمەن قاتار يندەربور كەنتى اكىمىنىڭ شالقار المۋرزيەۆتىڭ ايتۋىنشا, وتكەن جىلى يندەربور كەنتىندەگى سۋ دەڭگەيى 10 مەتر 41 سم-گە دەيىن كوتەرىلگەن. بيىل الدىن الۋ جۇمىستارى ناتيجەسىندە بوگەت قوسىمشا 1,5 مەترگە بيىكتەتىلىپ وتىر.
اتىراۋ وبلىسىنىڭ تج جونىندەگى جەدەل شتابىنىڭ ءباسپاسوز قىزمەتىنىڭ مالىمدەۋىنشە, بۇگىندە ىنتىماق, كوكتوعاي, بودەنە, جارسۋات اۋىلدارىنداعى بوگەتتەردى كۇشەيتۋ جوسپارى تولىعىمەن اياقتالدى. قازىر ورلىك اۋىلىندا بۇل جۇمىستار 97%-عا ورىندالىپ, 2 تەحنيكا, ەسبول اۋىلىندا بوگەتتى نىعايتۋ 85%-عا اياقتالىپ, 3 تەحنيكا, قۇرىلىس اۋىلىندا بوگەتتى كوتەرۋ 65%-عا ورىندالىپ, 13 تەحنيكا, ال جىرانى بىتەۋ جۇمىستارى بويىنشا 5 تەحنيكا جۇمىس ىستەپ جاتىر.
