«جۇمىس توبىنىڭ نەگىزگى مىندەتتەرى: ءزىلزالادان زارداپ شەككەن نىسانداردىڭ جاعدايىن باعالاۋ, قاۋىپسىزدىك شارالارىن جەدەل قابىلداۋ, تۇرعىندارعا قاجەتتى كومەك كورسەتۋ», — دەلىنگەن حابارلامادا.
29 ناۋرىز كۇنى تاڭەرتەڭ تجم وكىلدەرى, جەرگىلىكتى بيلىك ورگاندارى جانە سالا ماماندارى مەركى اۋىلىنداعى زاقىمدالعان عيماراتتاردى تەكسەردى. جەدەل شتابتىڭ وتىرىسىندا وڭىردەگى سەيسميكالىق جاعداي, قالپىنا كەلتىرۋ جۇمىستارى جانە شىعىندى ازايتۋ شارالارى تالقىلاندى.
«قۇرىلىس نىساندارىنىڭ بەرىكتىگىن تەكسەرۋ, حالىققا كومەك كورسەتۋ جانە ينفراقۇرىلىمدى قولداۋ باستى نازاردا. قۇتقارۋشىلار, دارىگەرلەر مەن ينجەنەرلەر كەز كەلگەن توتەنشە جاعدايعا جەدەل ارەكەت ەتۋگە دايىن», — دەلىنگەن حابارلامادا.
ازاماتتىق قورعانىس قىزمەتتەرى وڭىردە كۇشەيتىلگەن رەجيمدە جۇمىس ىستەپ جاتىر.
