وتىرىسقا «سامۇرىق قازىنا كونستراكشن» اق باسقارما توراعاسى ماۋلەن ايمانبەتوۆ, وبلىس اكىمىنىڭ ورىنباسارلارى, سەمەي قالاسىنىڭ اكىمى, ءتيىستى باسقارما باسشىلارى مەن مەردىگەر كومپانيا وكىلدەرى قاتىستى.
«بۇگىندە وبلىستا «جايلى مەكتەپ» جوباسى اياسىندا 4 مەكتەپتىڭ قۇرىلىسى جۇرگىزىلىپ جاتىر. سەمەي قالاسىنداعى قاراعايلى ىقشام اۋدانىندا 1200 ورىندىق, ۆودنىي كەنتىندە 600 ورىندىق, بەسقاراعاي اۋدانىنىڭ بەسقاراعاي اۋىلىندا 300 ورىندىق مەكتەپتىڭ قۇرىلىسى تولىق اياقتالعان», دەيدى وبلىس اكىمىنىڭ ءباسپاسوز قىزمەتى.
ولاردىڭ مالىمەتىنە سۇيەنسەك, قاراعايلى ىقشام اۋدانى مەن بەسقاراعاي اۋىلىنداعى مەكتەپتەردى ينتەرنەت جانە ەلەكتر جەلىسىنە قوسۋ بويىنشا تۋىنداعان ماسەلەلەر شەشىلدى. اياگوز قالاسىنداعى 600 ورىندىق مەكتەپتىڭ قۇرىلىسى جالعاسىپ جاتىر. بۇدان بولەك اتالعان جوبا اياسىندا سەمەي قالاسىنىڭ شىعىس كەنتىندە جاڭا مەكتەپ سالۋ جوسپاردا بار.
جيىندا «سامۇرىق قازىنا كونستراكشن» اق باسقارما توراعاسى ماۋلەن ايمانبەتوۆ ايماق باسشىسىنا «جايلى مەكتەپ» جوباسى بويىنشا وڭىردە سالىنىپ جاتقان مەكتەپتەر تۋرالى باياندادى.
ال وبلىس اكىمى جوعارىدا اتالعان مەكتەپتەردىڭ تاپسىرىس بەرۋشىسى «سامۇرىق قازىنا كونستراكشن» باسشىلىعىنا نىسانداردىڭ قۇرىلىسىن مەيلىنشە تەزدەتۋدى ءارى جۇمىستىڭ ساپالى ورىندالۋىن قاداعالاۋدا ۇستاۋدى تاپسىردى. اكىمى جوعارىدا اتالعان مەكتەپتەردىڭ تاپسىرىس بەرۋشىسى «سامۇرىق قازىنا كونستراكشن» باسشىلىعىنا نىسانداردىڭ قۇرىلىسىن مەيلىنشە تەزدەتۋدى ءارى جۇمىستىڭ ساپالى ورىندالۋىن قاداعالاۋدا ۇستاۋدى تاپسىردى.
«ەلىمىزدىڭ باسقا وڭىرلەرىندە وسى جوبا اياسىندا ونداعان مەكتەپ پايدالانۋعا بەرىلدى. ال ءبىز اينالدىرعان 5 مەكتەپتى ءالى اياقتاي الماي وتىرمىز. قانشاما اتا-انا, قانشاما وقۋشى بۇل ءبىلىم وردالارىنىڭ تەزىرەك اشىلۋىن كۇتىپ ءجۇر. «جايلى مەكتەپ» جوباسىن پرەزيدەنتتىڭ ءوزى باقىلاۋىندا ۇستاپ وتىر. سوندىقتان تاپسىرىس بەرۋشى مەردىگەرلەرمەن بىرلەسە جۇمىس ىستەپ, مەكتەپتەردى تەزىرەك قولدانىسقا بەرىڭىزدەر. اكىمدىك تاراپىنان ءتيىستى كومەك كورسەتەمىز», دەدى ايماق باسشىسى.
راسىندا قازىر «جايلى مەكتەپ» ۇلتتىق جوباسى ەلىمىزدىڭ بارلىق وڭىرىندە جۇزەگە اسىپ جاتىر.
ماسەلەن, حالىق سانى قارايلاس ءارى كورشىلەس شقو مەن پاۆلودار وبلىسىن الايىق. «جايلى مەكتەپ» ۇلتتىق جوباسى اياسىندا پاۆلودار وبلىسىندا 2023-2025 جىلدارى جالپى 5 مەكتەپ سالۋ جوسپارلانعان ەدى. 2024 جىلى ەكەۋى پايدالانۋعا بەرىلدى.
ال شىعىس قازاقستان وبلىسىندا «جايلى مەكتەپ» جوباسى بويىنشا 5 مەكتەپ بىلتىر پايدالانۋعا بەرىلدى, ال قالعان 5 مەكتەپتىڭ قۇرىلىسى 2025 جىلى اياقتالادى دەپ جوسپارلانعان.
